Спомен за Ненад, безбедни улици за сите!

Датум: четврток, 14.09.2017

Почеток на рута: 17:00, плоштад Македонија
Крај на рута: 18:00, крстосница Драчево - Батинци, на Мирен протест за Ненад
Крај на протест и тргнување кон центар: 19:00
---------------------------------------------------------------------

Facebook настан за возењето: линк
Facebook настан за протестот: линк
Рута: линк
---------------------------------------------------------------------

Во четврток се придружуваме на протестот на семејството на Ненад Пешевски, на неговите блиски, соседи, на сите луѓе кои се потенцијални жртви на небезбедните скопски улици. 
Ненад почина на 30-годишна возраст после удар од камион додека го возел својот велосипед на крстосницата меѓу Батинци и Драчево.

Вакви вести слушаме речиси секојдневно.
Оваа серија на убиства во сообраќајот мора да престане! 
Скопје е град, не бојно поле! 
Има начини како да се зголеми безбедноста кои се општо познати, но недостасува политичка волја.
Да ги размрдаме одговорните! 
Во текот на наредните денови во настанот на Facebook ќе споделиме повеќе информации за случајот на Ненад, за незбезбедноста на скопските улици и предлози како да станат побезбедни.

Придружете ни се во битката за побезбедно Скопје!
Никој не замислува дека вакво нешто баш нему или на негови блиски ќе им се случи, но се случува, без разлика дали е централно градско подрачје, приградска населба...
Затоа, заедно да спречиме идни жртви!
Спомен за Ненад, безбедни улици за сите!

Се собираме во четврток на Плоштад Македонија во 17:00 и возиме точаци заедно до местото на протестот на семејството (18:00), поточно крстосницата пред Драчево. 

Протестот е планиран да трае до 19 часот по што ќе се вратиме заедно до Плоштад Македонија.

Ве молиме бидете на време на местото на чекање.

На локацијата ќе биде поставен бел точак за спомен (ghost bike), како изразување почит за жртвата, но и како потсетник за учесниците во сообраќајот за вакви случаи да не се повторат.

Ќе возиме по оваа рута:
goo.gl/Arx8o8
Линк до официјалниот настан за протестот:
goo.gl/HAFpkY

Доколку сте во можност, спремете ваши пораки на хамер или платно за протестот.

И не заборавајте ги вашите светла. Ќе возиме навечер по регионален пат.

Read more »

Промотивни материјали за КМ #64: Вело град во еден мандат!

[дизајн: Кристина Карапеоска (Кристина Кик)]

Промотивните материјали од овој блог-пост може слободно да се споделуваат, печатат, да се лепат на соодветни локации во градот, да се користат во рамки на објави за настанот или како линкови.

Однапред ви благодариме на сите за помагањето да се прошири информацијата за Критична маса #64 и за поддршката на заложбите на Вела за вело-град, а на Кик ѝ благодариме за придонесот во вело-кампањата на Вела.

МАТЕРИЈАЛИ ЗА ПЕЧАТЕЊЕ

• Постер, верзија за печатење: линк (.pdf)

МАТЕРИЈАЛИ ЗА ВЕБ

• Постер, верзија за веб:

  

  
  

• Facebook cover:

• Facebook event cover:
  

  

  
  

  
  
• Twitter cover:

• Банери:

  

  300 x 250

  
  

  
  

  

  500 x 500

980 x 100

990 x 80

Read more »

Промотивни материјали за КМ #63: Замисли го Скопје како вело-град

[дизајн: Емилија Мишева - Em Ellephantski]

Промотивните материјали од овој блог-пост може слободно да се споделуваат, печатат, да се лепат на соодветни локации во градот, да се користат во рамки на објави за настанот или како линкови.

Однапред ви благодариме на сите за помагањето да се прошири информацијата за Критична маса #63 и за споделувањето на вашите веловизии со хаштагот #веловизија, а на Eм ѝ благодариме за нејзината вело-фантазија преточена во цртежот за промотивните материјали :)
Но да не чекаме вонземјани да нè спасат од самите себе, ок?

МАТЕРИЈАЛИ ЗА ПЕЧАТЕЊЕ

• Постер, верзија за печатење: линк (.tiff)

МАТЕРИЈАЛИ ЗА ВЕБ

• Постер, верзија за веб:

• Facebook cover:

• Twitter cover:

• Банери:

300 x 250

500 x 500

980 x 100

990 x 80

Read more »

Критична маса #63: Замисли го Скопје како вело-град...

Датум: среда, 26.07.2017
Почеток: 19:00 ч, Плоштад Македонија
Крај: 20:00, Музеј на современа уметност
--------------------------------------------------------------------

Facebook настан: линк
Рута: линк
Промотивни материјали:  линк
--------------------------------------------------------------------

Постерот за КМ 63

Колку пати си се пожалил на условите за возење точак во Скопје… И колку пати си посакал да бидат поинакви… Сигурно си замислувал како би можело да биде...Сигурно имаш предлог како да се подобри…

Сподели ја твојата #веловизија користејќи го овој хаштаг на социјалните медиуми. Замисли како изгледаат поправени ситните инфраструктурни проблеми или твоето секојдневно искуство или како е променета големата слика за Скопје… 
Замисли го Скопје како вело-град… И, како е таму? :)

***Доаѓаат локални избори. Како граѓани да им дадеме акцент на позелените, поздравите и поквалитетни замисли за Скопје. Обично таквите визии за градот се ставени во секторот “алтернативни“, додека во мејнстримот се одржува статус-квото, а тоа за Скопје значи: тонење во загаденост, небезбеден сообраќај, хаос, неквалитетен град за живот. 
Нека почне поместувањето на статус-квото од нас! 
Сподели ја твојата #веловизија!

И забележи си: Критична маса #63, последна среда, 26.07.2017, почеток 19:00, Плоштад Македонија.

*** Секој учесник вози на своја одговорност. 

--------------------------------------------------------------К
Критична маса е неформален велосипедски собир кој се случува во над 300 градови во светот.
Нема лидери, нема формална организација, само група на свесни луѓе кои сакаат подобар вело-град.
Од мај 2012-та се случува еднаш месечно и во нашето Скопје!
Возиме секоја последна среда во месецот по различна рута и со различна тема.

Критична маса во Скопје е самоодржлив, саморегулиран и самофинансиран месечен собир на урбаните велосипедисти кој зависи од придонесот на секој учесник, пред сѐ од неговото појавување на собирот и покажување бројност („Нѐ има, земете нѐ предвид“), од активната грижа настанот да помине во најдобар ред, а потоа и од донациите за промотивните материјали, волонтерскиот придонес во: осмислувањето на настанот, неговата промоција и се разбира во креативната страна на возењата. До овој момент, скопјани 62 пати возеа масовно по скопските улици, на 62 различни темa поврзани со урбаниот велосипедизам.
Да ги освоиме по 63-ти пат улиците со нашите точаци, активно, ангажирано, свесно, заедно, со полни срца!

Приклучи се! Ангажирај се!
Може да нé има повеќе! Скопје може да стане подобар град!
--------------------------------------------------------------

Read more »

Вело - експеримент за една поинаква ситуација

Пред ~ 1 седмица решивме да направиме мал експеримент за една поинаква ситуација... Да зафатиме место колку за 2 коли од една лента од булевар кој има 3 ленти во секоја насока...И тоа во ден и термин кога речиси и нема сообраќај...

На овој булевар во скоро време добивме велосипедски ленти, но многу повеќе се користат како паркинг, а полицијата ја нема да го заштити велосипедскиот простор.
Поентата ни беше да го свртиме вниманието на нефер третманот од институциите и да ја креираме обратната ситуација, лабаво да користиме автомобилска лента...
Во еден идеален град не би ни имало толку автомобилски ленти и луѓето би можеле да го користат јавниот простор на многу поинтересни начини...Ко групата на сликата :)

Знаете што се случи?
Ни ја потврдија поентата и потребата од акцијата! :)
Во рок од 7 минути откако се сместивме на коловозните ленти, поточно во моментот кога се раскревавме (акцијата траеше точно 7 минути, проценивме според времето од фотографиите)) пристигна полициско возило по пријава од граѓанин дека некој го попречувал сообраќајот.
Им објаснивме која ни е поентата на акцијата и полицајците беа многу коректни, но не се задржаа доволно долго да им кажеме дека истата ЕФИКАСНОСТ ја очекуваме и кога пријавуваме за блокирање ОД КОЛИ на ПЕШАЧКИ СООБРАЌАЈ, ВЕЛОСИПЕДСКИ СООБРАЌАЈ итн.

Патеките за овие типови немоторен сообраќај се помалку на број, потесни по димензии, нема алтернативи (за разлика од 3-те ленти за коли тука) и се предвидени за ранливите учесници во сообраќајот.

Сообраќај не се само коли!
И кога сме на точак сме сообраќај и градот е на сите!
Да се избориме за нашиот простор!
Да се избориме паркирањето врз пешачки и велосипедски патеки да се санкционира, како што е и пропишано во законите.
Дојдете на Критична маса и протестен пикник утре, во среда. Информации, тука.

Линк до Facebook албумот од акцијата

Линк до Facebook албумот од секојдневното узурпирање на велосипедските ленти од возилата.

Read more »