Писмо до образовни институции

Мотивирани од септември и почетокот на учебната година, одлучивме да направиме мала анализа на расположливите велосипедски паркинг места кај образовните институции: средни училишта, факултети, библиотеки, студентски домови. Резултатите од анализата ги испративме до соодветните институции. Подолу е испратеното писмо.

*#*#*#*#*#*#*#*#*

Почитуван декане / директоре / наставници / професори / студенти / ученици,

Ви се обраќаме во врска со нашата анализа на расположливи паркинг места за велосипеди пред образовни институции. Ви се обраќаме вам, бидејќи и вашата институција беше цел на анализата. Најголем дел од средно и високо образовните институции беа посетени од страна на вело-активистите од НаТочак.

Што е НаТочак?

НаТочак е неформална група граѓани кои секојдневно го користат велосипедот како превозно средство и се залагаат за подобар вело-град. Секоја последна среда во месецот возиме заедно по улиците на градот во име на признавањето на велосипедистите како рамноправни учесници во сообраќајот, промовираjќи го велосипедот како урбано превозно средство и актуелизирајќи ги прашањата неопходни за непречено сообраќање со него.

Септемвриска критична маса #5

Септември е почеток на школската година и решивме со активностите да ги опфатиме средните училишта, факултетите и некои образовни институции и направивме мала обиколка на дел од нив за увид во состојбата со паркинзите за велосипеди.

Целта на оваа анализа  е да покажеме со споредба дека има примери во градот Скопје кои останатите образовни институции треба да се потрудат да ги следат.
Редовно, во сите случаи, се повторува законитоста дека колку повеќе паркинзи има пред институцијата, толку повеќе луѓе доаѓаат до неа на велосипед.

Доколку покрај името на институција нема податок со евидентирани вело-паркинг места, тоа значи дека институцијата не била посетена од активистите.

Еве ги резултатите од нашата мини акција:

Име	Статус	Број на ученици
Средни училишта
СУГС "Никола Карев"	нема паркинг	1138
СУГС "Р.Ј. Корчагин"	нема паркинг	1021
СУГС "Јосип Броз Тито"	нема паркинг	1498
СУГС "Орце Николов"	нема паркинг	1167
СУГС "Кочо Рацин"	нема паркинг	667
СУГС "Панче Арсовски"	20	711
СУГС "Георги Димитров"	14	1229
СУГС "Васил Антевски - Дрен"	20	1875
СУГС "Марија С. Кири"	нема паркинг	798
СУГС "Владо Тасевски"	нема паркинг	1394
СУГС "Димитар Влахов"	нема паркинг	2208
СУГС "Михајло Пупин"	нема паркинг	642
СУГС "Браќа Миладиновци"		694
СУГС "Златко Цветковски"	нема паркинг	1183
СУГС "Арсение Јовков"		2208
СУГС "Лазар Танев"
СУГС "8-ми Септември"	нема паркинг	313
СУГС "Цветан Димов"		1881
СУГС "Панче Караѓозов"		2398
СУГС "Боро Петрушевски"	нема паркинг	1114
СУГС "Зеф Љуш Марку"		1229
Нова - приватна гимназија	11, останатите небезбедни
Јахја Кемал	нема паркинг
ДМБУЦ "Илија Николовски - Луј"
ДСУПУ "Лазар Личеновски"	16
ДСУ "Методија Митевски - Брицо"
Високо образовни институции
Архитектонски факултет	небезбеден (нема заклуч.)
Градежен факултет	небезбеден (нема заклуч.)
Економски факултет	нема паркинг
Машински факултет	80*
Медицински факултет
Педагошки факултет „Св. Климент Охридски“
Правен факултет „Јустинијан Први“	20
Природно-математички факултет	10
Стоматолошки факултет
Технолошко-металуршки факултет	нема паркинг
Факултет за ветеринарна медицина
Факултет за дизајн и технологии на мебел и ентериер
Факултет за драмски уметности	20
Факултет за електротехника и информациски тех.	80*
Факултет за земјоделски науки и храна	нема паркинг
Факултет за информатички науки и компјутерско инж.	нема паркинг
Факултет за ликовни уметности
Факултет за музичка уметност
Факултет за физичка култура
Фармацевтски факултет
Филозофски факултет	нема паркинг
Филолошки факултет „Блаже Конески“	нема паркинг
Шумарски факултет	нема паркинг
ФОН	нема паркинг
International Balkan university	нема паркинг
ЕСРА (Кинотека)	нема паркинг
Факултет за туризам и менаџмент	9
Американ колеџ/ МИТ	нема паркинг
Останати институции
Државен студентски дом “Гоце Делчев“
Државен студентски дом „Пелагонија“	нема паркинг
Државен студентски дом „Томе Стефановски - Сениќ“	нема паркинг
Државен студентски дом „Стив Наумов“	нема паркинг
Државен студентски дом „Медицинар“
Библиотека Браќа Миладиновци	26
Универзитетска библиотека

* заеднички паркинг на МФ и ФЕИТ

Би сакале да напомнеме дека сме свесни дека за да биде анализата целосна потребни се и бројките на ученици/студенти кои учат во секоја од образовните институции. Преку сајтот www.skopje.gov.mk, дојдовме до дел од нив.

Зошто добар паркинг за велосипеди?

Да не чекаме прво да порасне бројот на ученици/студенти кои доаѓаат со велосипед на училиште/факултет, па потоа да направиме паркинг места за нивните велосипеди. Напротив, да ги мотивираме да го користат велосипедот за транспортно средство со поставување соодветни паркиралишта.

Видлив паркинг пред вратите на една образовна институција е моќно средство за промовирање на велосипедизмот како одржлив и здрав транспорт меѓу оние кои не доаѓаат на велосипед и начин на кој институцијата покажува дека ги цени и поддржува оние кои веќе го прават тоа.

Голем дел ученици и студенти би доаѓале со точак на училиште кога би имале соодветна

инфраструктура и паркинг.

Паркингот е најмалата инвестиција која може да се направи за зголемено користење на велосипедот за превоз, а со најголем ефект за нејзината вредност.

Им посакуваме успешна и точакољупска година на сите ученици и студенти. Почеток е на шансата секој од нив да научи нешто ново, но и нова можност за образовните институции да влијаат на подобрување на навиките кај учениците и студентите.

Очекуваме да ја поддржите нашата акција со зголемување на бројот и подобрување на квалитетот на паркинг местата за велосипеди во рамки на вашата институција.

Точакољупско образование за поубаво Скопје!

Со почит,

НаТочак

*#*#*#*#*#*#*#*#*

За крај, еве фотографии од најдобрите.

Драмски факултет - најдобар во односот број на паркинг места со број на ученици/студенти

Факултет за електротехника и информациски технологи и Машински факултет (заеднички паркинг) - најмногу паркинг места, 80

СУГС Георги Димитров - едно од ретките средни училишта што има паркинг за велосипеди, 14 места

Библиотека Браќа Миладинови - најмногу паркинг места помеѓу останатите образовни институции, 26 места.Дополнително, тука е и најбезбедниот паркинг, каде лесно може да се потпре и заклучи велосипедот за рам-от.

На КМ#5 поминувајќи покрај овие 4 локации ќе паузираме и ќе ги поздравиме со аплауз заради позитивниот пример.

Сите фотографии што ги направи НаТочак контролата можете да ги видите тука.

Read more »

Критична маса #5: На школо и факултет со велосипед

Драги точакољупци

Се ближи крајот на месецот, а со тоа и следната критична маса, петта по ред!

Темата на ова возење е: На школо и факултет со велосипед. Направивме мала обиколка низ Скопје. Сликавме 15-тина школи и уште толку факултети за да видиме кои од нив се пријателски наклонети кон точаците и точакољупците и дали имаат соодветен паркинг.

Резултатите не беа баш охрабрувачки. Испративме писма до директорите на сите средни училишта и факултети, потсетувајќи ги дека оваа мала инвестиција од нивна страна ќе претставува еден од клучните фактори поради кои учениците и студентите би се мотивирале и охрабриле да одат на училиште со точак. Детална анализа како и фотогалерија од посетените училишта/факултети ќе биде објавена во еден од наредните блог постови.

Ова возење го посветуваме на училиштата и факултетите. Ќе возиме покрај: Машински/Електро/Технолошки/Финки, СУГС Орце Николов, СУГС Никола Карев, СУГС Ѓорѓи Димитров, Приватна гимназија НОВА, Факултет за Туризам и Менаџмент, Архитектонски/Градежен Факултет, Европски Факултет, СУГС Јосип Броз Тито, СУГС Раде Јовчевски Корчагин и завршуваме на кампусот на св. Кирил и Методиј. Еве ја деталната мапа:


                           

View Критична маса - Скопје на Точак #5 in a larger map


 Во среда не очекува одлично време. Моливите наоштрени, лекциите научени, ранците на грб и сите на точак, во 17.30 на паркингот кај машински факултет, улица Септемвриска Сесија. Се гледаме. Ѕрн ѕрн!!!  

Read more »

Порака од НаТочак

Драги учесници на Критична Маса, ви честитаме за успешното 4то возење! По обемните дискусии, би сакале да се изјасниме дека сите кои доаѓаат на работните состаноци едногласно се сложија дека настанот нема да биде пријавуван во полиција.
Прашањето е дискутирано повеќе пати и во живо на состаноците и на претходните евенти.
Ја сфаќаме грижата на некои кои даваа сугестии да се пријавува, но тоа тогаш не би било Критична маса туку некој друг настан!!! Кој би било супер да се појави (имало повеќе такви во минатото) и можеби ќе наиде исто така на поддршка. 

Поентата на Критична Маса е во тоа што возењето велосипед е право, а не привилегија. На автомобилите не им требаат дозволи за да возат масовно на улиците, не би требало ни за велосипедите, макар и се собрала доволно голема критична маса (во физичка смисла на зборот). Оттаму доаѓа и името: 

http://natochak.blogspot.com/p/blog-page_22.html

Локалното значење не е фиксно и е во процес на дефинирање. (Сме извозеле само 4 маси и учиме по нешто од секоја.) Исто како што не е фиксна, туку отворена групата која ги осмислува, пробува и објавува рутите. 

Среќни сме што сите критични маси ги извозевме достоинствено. Немаше поединци кои правеа проблеми, луѓето релативно добро се држеа до правилото за окупирање на само една лента и даваа сигнали со рацете при свртување. Им се извинуваа на возачите кога ги забавуваа во движењето и изнудуваа насмевка на нивните лица. Драго ни е што помагаме да се развива сообраќајната култура и свесноста на секој за својата одговорност во сообраќојт, не само за себе, туку и за другите. Кога некој ќе застрани, групата му довикува да се врати на безбедно. Чувството е прекрасно кога ќе видите како се саморегулира „масата“! :)

И нема човек кој го лајкнал профилот, а не сака подобри услови за возење кога секој ден се соочува со пречки во сообраќајот. Да се тврди дека сакаме да направиме чалам не е убаво. Сите учесници покажаа високо ниво на култура и разбирање за тоа што е критична маса и си го чувствуваат настанот за свој.

Ние, нефиксните организатори работиме на проширување на активностите (полека, но сигурно, колку што ни се силите), за што се потребни повеќе луѓе ентузијасти и затоа отворено повикуваме да се придружат.
Терминот за нареден состанок е сабота 12 ч. на Школка каде секој кој има некаква идеја за подобрување на КМ или сака да дискутира за нешто е добредојден!

Се гледаме во сабота или на септемвриската Критична маса! Бидете добри и возете точак, секој ден! ;)

Read more »

Критична маса #4

Драги точакољупци

Скопје повторно е полно, а неговите граѓани се вратени од одмор, свежи и одморени.

Ќе се возиме ли пак заедно? Критична маса бр. 4 во Скопје ќе се случува на 29 Август, Среда во 17.30 часот. Подмачкајте ланците, напумпајте гумите. Од Вторник се најавуваат и заладувања. Нема да возиме на пеколни горештини.

Овој пат ќе ја посетиме левата страна на реката Вардар. Да видиме дали Чаир е често досадно место кога низ него проаѓаат скопските точаци.

Рутата е следна:

МНТ Центар - бул. Св. Климент Охридски - Димитрија Чуповски - 11 Октомври - Виктор Иго - Антон Попов - бул. Кочо Рацин - бул. Крсте Петков Мисирков - Цветан Димов - Џон Кенеди - Кемал Сејфула - Ферид Бајрам - Христијан Тодоровски Карпош - Цветан Димов - бул. Крсте Петков Мисирков - бул. Гоце Делчев - бул. Илинден - Фонтана


View KM 4 in a larger map

Се гледаме! Најмногубројни до сега! А после возењето одиме на дружба. Пиволенд. Ѕрн ѕрн :)

Read more »

Критична маса #3

На 25ти јули (среда) во прилично екстремни услови (жештини, годишни
одмори и битен фудбалски натпревар) се извозевме наТочак по трет пат.
Учествуваа нешто помалку од 200 велосипедисти. Еве како изгледаше тоа.

За првпат при движењето низ улиците беше применета тактиката corking
(https://en.wikipedia.org/wiki/Critical_Mass#Corking) и чекање на
одредени точки.

Возењето по тесните маалски улички беше посебно доживување. Особено
позитивен момент од тоа е вклучувањето на велосипедисти кои воопшто не
беа информирани за настанот.

Голема благодарност до сите кои на било кој начин учествуваа во настанот.

Се гледаме на 29ти август

Read more »

Извештај КМ Скопје #2

И пак се повозивме! Над 300 скопјани на точак во среда (27.06.2012) супер си поминаа на 10-те километри од пред Пошта до Аеродром и назад до плоштад. Ако не ни верувате, еве слики и видеа, а уште подобро дојдете на следната последна среда во месецот.



Видео од зборното место:  Раде Марковски 


 Видео од КМ Скопје #2:  Виктор Герасимовски


Клик на сликите за поголеми и влез во галеријата.

Фото: Милан-Стефан Марковски

Фото: Катз Пунгас

Фото: Роберт Атанасовски

Фото: Роберт Атанасовски

Фото: Катз Пунгас

Фото: Катз Пунгас

Ист простор: 20 точаци, 2 коли

Фото: Катз Пунгас

Фото: Катз Пунгас

Фото: ЛиДија ЛиДија

Фото: Милан Тасевски

До нас стигнаа многу фотографии и видеа, но за жал не можеме сите да ги објавиме.

Благодарност до сите што присуствуваа и помогнаа.

Read more »