Showing posts with label акција. Show all posts
Showing posts with label акција. Show all posts

05 April, 2019

Патувачка велосипедска патека ги поврзува велосипедистите од регионот


Патувачка платнена велосипедска патека ги обединува велосипедистите од регионот со исти проблеми

Серија акции: Четири скопски приказни кои можат да бидат велосипедски / Црвен тепих за точаци

Група активисти по јавниот повик од НаТочак минатата недела на 4 локации во Скопје поставија црвено платно, го фотографираа и со соодветен текст испратија 4 пораки на социјалните медиуми кои имаа силен прием од јавноста.
Платното со препознатливата црвена боја за велосипедските ленти и велосипедски премини во акцијата на НаТочак ги илустрира проблемите и пречките на велосипедската инфраструктура, како и недостатокот од велосипедска инфраструктура. (платното е буквално замена за вело патека, затоа има и тoчaк на него, тоа е платнена вело патека која ја поставуваме кај што друг требалo да ја предвиди или да обезбеди да биде проточна). На пример, во Акција 1 се посочува на проблемот со недостатокот од велосипедски ленти на некои улици, а “мртви“ крајни коловозни ленти кои се користат за застанување и паркирање; во Акција 2 се посочува на нелегалното паркирање толерирано од полицијата во случаите кога има обележана велосипедска инфраструктура - што ја прави нефункционална иако ја има; во Акција 3 се посочува на (не)квалитетот во изведбата на патеките и бројните пречки кои остануваат нерешени; во Акција 4 се посочува на недоволната интегрираност на патеката по текот на Вардар со остатокот од мрежата и недостатокот на рампи...
 
Фотографија од Приказна 1: Велосипедска лента има, но треба да се направи и функционална


 
Фотографија од Приказна 3: Не мора да возиме слалом по велосипедските патеки


Фотографиите со “црвениот тепих“ го доведуваат проблемот до апсурд (луѓето на точак мора да “прелетаат“ преку автомобилот или семафорот) и со тоа го доближуваат на многу пластичен начин проблемот до јавноста. Но исто така црвениот тепих го симболизира и “линкот“ кој недостасува, дали е тоа проточен сегмент на патека, возлива рампа или лента која би можела да се воведе на улицата и со тоа нуди поинаков поглед, поинаква визија за просторот.
Фотографија од Приказна 1: На многу улици има место за велосипедски ленти, само треба поинаку да ги гледаме

Фотографија од Приказна 4: Кејот на Вардар има огромен потенцијал кој поради прекините и поради неповрзаноста со останатата мрежа не е искористен


Четирите приказни навистина имаат потенцијал да станат велосипедски и Скопје навистина има потенцијал да стане велосипедски град.
Простор во градот има, но треба да ги промениме приоритетите.

Околу идејата:
Идејата започна да се “тркала“ во Белград, каде тамошното здружение UG Ulice za bicikliste спроведе слична акција низ белградските улици. Тие пратија порака дека на улицата за која Белградскиот секретаријат за сообраќај тврдел дека нема место за велосипедски ленти, место всушност има, а се користи за нелегално паркирање.
Како НаТочак многу сакаме да правиме акции во јавен простор и после акцијата во Белград добивме идеја дека покрај тоа што можеме да направиме слична акција, можеме наместо да купуваме, (еколошки) да го реупотребиме истото платно и да додадеме дополнителна тежина на приказната за платното кое ќе се “тркала“ низ регионот.
Платното ни беше испратено од Белград по автобус (со одржлив превоз) и го искористивме за да актуелизираме слични проблеми во јавноста, а потоа од Скопје истото ќе отпатува до Прилеп НаТочак, Битола НаТочак, Гостивар НаТочак..., а оттаму и до вело-активистите во Софија, па тие ќе го испратат до друг пријателски град...
“Црвен тепих за точаци“ е идеја која треба да обединува, да поврзе, слично како што поврзуваат велосипедските патеки. Целта е да покажеме дека во целиот регион се соочуваме со исти проблеми, но и дека освен проблемите можеме да ги споделиме и нашите искуства и знаење: кои можат да бидат решенијата за тие проблеми.
Откако ќе ги направиме нашите градови велоградови, се надеваме еден ден ќе ги поврземе и меѓуградски со велосипедска мрежа по патот на црвениот тепих.
Фотографиите се на Васе Аманито Петровски. 


За посебните акции и пораката на секоја од нив подетално можете да прочитате на следните линкови (кои водат и до постовите на социјалните медиуми):


04 April, 2019

Приказна 4: Ни викаат дека возењето велосипед е спорт. За нас е и транспорт!

4. Ни викаат дека возењето велосипед е спорт. За нас е и транспорт!

Серија акции: Четири приказни кои можат да бидат велосипедски
За целата идеја: тука


Приказна 1: Ни викаат: Нема место за велосипедски ленти! 
Приказна 2: Ни викаат: Имате велосипедски патеки!
Приказна 3: Ни викаат дека Скопје ќе биде Велоград! 
Приказна 4: Ни викаат дека возењето велосипед е спорт. За нас е и транспорт!
-----------------
Веројатно првата асоцијација за велосипедската патека долж кејот на Вардар е дека таа е за спорт. Но ние мислиме дека може да биде и транспорт! Зелен транспорт! Вело транспорт!

Велосипедската патека долж кејот на реката Вардар е најдолгата непрекината велосипедска патека во Скопје без крстосници, без семафори. Таа е најбрзиот начин на движење со велосипед. Таа рута може да биде нашиот ВЕЛОСИПЕДСКИ АВТОПАТ, нашата “обиколница“.

Ако има доволно рампи(приклучоци) и добра поврзаност со останатиот дел од велосипедската инфраструктура, луѓето ќе се вклучуваат на оваа патека за да ги избегнат сите раскрсници и досадни чекања на секој семафор и ќе се исклучуваат од неа онаму каде што имаат поврзаност со друга велосипедска патека која води до точката која е нивна крајна цел. Вардар може да го поврзе градот исток-запад, но и север-југ!

Затоа бараме:
-патеката по текот на Вардар да се интегрира со останатите велосипедски рути од проектот Скопје Велоград преку краци за спојување во мрежа, преку возливи рампи со благ наклон, велосипедски патеки на новопланираните мостови, преку нови пешачко-велосипедски мостови.
*Во град кој претендира да биде Велоград не смее да има нов мост без велосипедски патеки и возливи велосипедски рампи кон кејот.
-да се доуредат и ослободат деловите каде патеката има прекин (деценискиот прекин во Центар поради градежните работи и неуредениот дел на Вардар меѓу Карпош и Ѓорче, со што Скопје ќе се поврзе за пешачење, трчање и точак по цела своја должина од Сарај до Лисиче! Мерачки, нели?
За Скопје Велоград ни треба по Вардар велопат!







-----------------
Благодарност до:
📷 Vase Amanito за фотографиите од акцијата
🎀 UG Ulice za bicikliste за платното
-----------------
Објави на социјални медиуми за приказна 4:
Facebook пост: линк
Twitter: линк
Instagram: линк 

01 April, 2019

Приказна 3: Ни викаат дека Скопје ќе биде Велоград!

3. Ни викаат дека Скопје ќе биде Велоград! 



Серија акции: Четири приказни кои можат да бидат велосипедски
За целата идеја: тука


Приказна 1: Ни викаат: Нема место за велосипедски ленти! 
Приказна 2: Ни викаат: Имате велосипедски патеки!
Приказна 3: Ни викаат дека Скопје ќе биде Велоград! 
Приказна 4: Ни викаат дека возењето велосипед е спорт. За нас е и транспорт!
-----------------
А се асфалтираат патеки на кои најважен е квантитетот, а не квалитетот. Брановиден асфалт, тешко совладливи рабници и различни физички пречки во профилот на велосипедската или пешачката патека. Ако не може бандерите, билбордите и знаците да ги ставиме на сред коловозна лента каде што возат оние со колите, зошто може истите да ги поставиме на патеките на кои треба да возат оние со точаците???
Во плановите треба внимателно да се дизајнираат специјални зони за урбана опрема, кои исто како што не се коловозна лента, така нема да се сметаат ни за пешачка, ни за велосипедска патека.
Скопје Велоград не е само асфалтирање на метри должни. Скопје Велоград (треба да) е визија дизајнирана од урбанисти, планери, архитекти, сообраќајни инженери вградена во сите нивоа на планирањето на градот.
Сакаме велосипедска инфраструктура чиј дизајн ќе мотивира. Велосипедска инфраструктура која ќе ги повикува луѓето да ја користат.
Сакаме велосипедска инфраструктура која ќе нуди безбедност и комоција. Која ќе биде не само за најхрабрите и највештите, туку и за најмладите и за највозрасните, за поплашливите и за помалку вештите, за СИТЕ граѓани.
Само така Скопје ќе стане Велоград.





-----------------
Благодарност до:
📷 Vase Amanito за фотографиите од акцијата
🎀 UG Ulice za bicikliste за платното
Ова е третата од #4ПриказниКоиМожатДаБидатВелосипедски
-----------------
Објави на социјални медиуми за приказна 3:
Facebook пост: линк
Twitter: линк
Instagram: линк 

31 March, 2019

Приказна 2: Ни викаат: Имате велосипедски патеки!

2. Ни викаат: Имате велосипедски патеки!



Серија акции: Четири приказни кои можат да бидат велосипедски
За целата идеја: тука


Приказна 1: Ни викаат: Нема место за велосипедски ленти! 
Приказна 2: Ни викаат: Имате велосипедски патеки!
Приказна 3: Ни викаат дека Скопје ќе биде Велоград! 
Приказна 4: Ни викаат дека возењето велосипед е спорт. За нас е и транспорт!
-----------------
Колку улици можете да наброите на кои редовно гледате дека велосипедската патека/лента е окупирана од застанати или паркирани коли?
Тука не зборуваме за инцидентно паркирање на место каде многу ретко се случува тоа. Тука зборуваме за места на кои тоа е константен проблем. Тука зборуваме за секојдневие. Кога и да поминете на тие места секогаш има застанати или паркирани коли, чии “актери“ во секојдневна рутина, без посебен страв од казна, ниту пак грижа дека загрозуваат нечија безбедност, застануваат, паркираат или возат на велосипедската лента. Да, да, и возат. Дури и преминуваат преку пешачки и велосипедски премини заедно со пешаците и велосипедистите.

Недостатокот на страв од казна и сообраќајната (не)култура е резултат на нефункционирањето на институциите. Истите луѓе во други средини демонстрираат сосем друга култура. Таму знаат и да попешачат 5-10 мин од регулираниот паркинг.
Затоа јавно повикуваме: Министерството за внатрешни работи да воведе ред. Јавно повикуваме доколку паркирањето е проблем од помал интерес за МВР да се воведе локална полиција/комунални редари кои ќе можат лесно да казнуваат и без да мора да дојде пајак со цел да станат поефикасни и да има поголем ефект врз општото однесување. Јавно повикуваме да се изнајде начин и пријавите од граѓаните да имаат тежина во еден нов начин на воведување ред.







 




-----------------
Благодарност до:
📷 Vase Amanito за фотографиите од акцијата
🎀 UG Ulice za bicikliste за платното
🧩колажот е направен со фотографии од социјални медиуми


-----------------

Објави на социјални медиуми за приказна 2:
Facebook пост: линк
Twitter: линк
Instagram: линк