Showing posts with label извештај. Show all posts
Showing posts with label извештај. Show all posts

23 June, 2016

Средба со ЈСП на тема: Комбинирање на автобуски и велосипедски превоз (записник)

ЗАПИСНИК

На иницијатива на ЈСП, на 27.05.2016 во дирекцијата на ЈСП се одржа средба меѓу претставници на ЈСП и НаТочак.
 
На средбата претставниците на ЈСП ја презентираа идејата за интегрирање на велосипедскиот и автобускиот транспорт, а НаТочак посочи на други теми кои се допирна точка меѓу овие 2 типа сообраќај во Скопје. Фокусот сепак беше на можноста и потенцијалите на комбинирањето на автобускиот и велосипедскиот превоз.
 
Заедно беше заклучено дека:
 
-Јавниот превоз и велосипедскиот може да функционираат како добра комбинација и алтернатива на автомобилот: јавниот превоз поради својата брзина, а велосипедскиот поради можноста за „превоз до врата“
-Целни групи за комбинирање на превозот би биле:
  1. Граѓаните од приградски населби кои патуваат за работа, факултет итн. до Скопје кои би допатувале со автобус во Скопје и би го продолжиле патувањето со велосипед низ градот
  2. Граѓаните на Скопје кои живеат во зони кои не се на пешачко растојание од автобуските линии и поради тоа не ги користат, па би пристигнале со велосипед до соодветната автобуска станица од каде би го продолжиле патувањето со автобус
  3. Граѓаните на Скопје, но и посетителите, туристите, кои со велосипед би ја продолжиле туристичката прошетка откако со автобус ќе стигнат до крајните дестинации (во насока кон Скопска Црна Гора, Катланово итн.)
-Комбинирањето на превозот е и во полза на Јавното сообраќајно претпријатие (зашто ќе ја зголеми достапноста до автобусите: место само пешки, ќе им се пристапува и со велосипед), во полза е и на велосипедскиот превоз (зашто ќе му ги продолжи прифатливите дистанци), на животната средина (зашто ќе се намалат штетните емисии поради зголемување на привлечноста на овие 2 превозни средства наспроти автомобилите), на туризмот (зашто ќе ја зголеми понудата за дестинации и искуства за туристите) и ваквата идеја очекуваме да наиде на широка поддршка од сите институции и пошироката јавност.
 
Во насока за реализација на овој проект ЈСП ќе направи истражување дали има техничка можност за монтирање на држачи за велосипеди на нивните автобуси.
 
Доколку постои техничка можност и се продолжи со развој на идејата, НаТочак сугерираше да се спроведе анкета со цел да се испита интересот и поддршката за одредени автобуски линии на кои ќе се спроведе пилот-проектот и сугестијата беше прифатена.
Во следна фаза би се изготвило упатство за користење на држачите, како за возачите, така и за велосипедистите.
Користењето на држачите најверојатно не би се наплаќало и би било на принципот first come, first served.
Информацијата за автобуски линии со држачи за велосипеди би се вметнала во сите мапи и планери на патувања.
Како крајна фаза би се спровела кампања со цел промовирање на зелениот превоз и меѓусебното комбинирање.

НаТочак и ЈСП
23.06.2016

08 November, 2014

Работилница за градски велосипедизам со Ралф Ван Дер Зејден (видео + фотографии)

Работилницата со Ралф Ван Дер Зејден „Зошто точак?“ во организација на Холандска Амбасада, НаТочак и ЕУ Инфо Центарот се одржа на 30.10.2014 во просториите на ЕУ Инфо Центарот. Се состоеше од презентација и дел за дискусија.
Со презентацијата Ралф, инаку моментално директор на компанијата I bike Belgrade и Beograd Velograd фестивалот, направи преглед на неговиот животен пат со велосипедите од Холандија до Белград, на состојбата со велосипедската инфраструктура и култура во Холандија и во земјите од Југоисточна Европа и презентацијата ја заврши со поенти и пораки зошто точакот треба да се сфати сериозно како придвижувач на позитивни промени во еден град.
Благодарност до Ралф за опсежната презентација и што ни беше гостин во Скопје, благодарност до сите кои ја проследија презентацијата и учествуваа во дискусијата и благодарност до Холандската амбасада и ЕУ инфо-центарот што го овозможија настанот.
Се надеваме дека сите присутни: велосипедистите и институциите кои имаат надлежности за подобрување на ситуацијата во Скопје, научивме по нешто.

Оние кои не беа во можност да присуствуваат, може да го погледнат видеото.
Подолу има и мал фото-преглед.






Најава на гостинот
 

Дел од публиката
 
 


Зошто точак? 
Ралф во неговата презентација имаше една добра поента дека возењето точак не е добро само за оние кои го практикуваат (нивното здравје, заштеда, мобилност), туку и за останатите учесници во сообраќајот: се намалуваат сообраќајните гужви за возила, се подобрува квалитетот на воздухот, се намалува буката, се ослободува простор за други содржини...се креира поквалитетен и поатрактивен град од што корист имаат сите!
 

Обичен ден во Холандија 
-број на патувања со велосипед од различни групи луѓе во различни делови од денот.
Во Холандија само 10 % од сите патувања со велосипед се спорт и рекреација. Се друго е транспорт.
 

5 милиони велосипедисти и 14 милиони патувања во текот на денот е проценката за нормален ден во Холандија. 
Еден од тие велосипедисти е и самиот Холандски премиер кој на фотографијата е прикажан како пристигнува на работа на точак.


Податоци за удел на велосипедскиот сообраќај во вкупниот во главни градови во регионот. Колкав е процентот моментално во Скопје, не знаеме.
 

10 причини да се сфати возењето точак сериозно. Cycling as a change maker. За повеќе од она на фотографиите, мора да ја гледате презентацијата ;)
 

И уште една причина да се сфати возењето точак сериозно. 
Луѓето секако ќе возат точак во поголем број! 
Забележлив е пораст на возењето на точак, насекаде низ светот! 
Задачата на властите е да го поттикнат тој раст со вложувања во инфраструктурата и зголемување на безбедноста на велосипедистите.
 

Каква треба да биде велосипедската инфраструктура? Да поврзува, да биде континуирана, да не прекинува, да биде препознатлива и обележана...
 


 
Дискусијата во најголем дел се фокусираше на најчестите проблеми кои граѓаните кои се превезуваат на велосипед во Скопје ги имаат. Проблемот на узурпирани велосипедски патеки од возила, како и ситни подобрувања кои многу ќе значат: заменување на рабниците со рампи и слично. Да се следи искуството на корисниците, а не само да се црта. Да се испробаат тие патеки после изведбата, да се увидат реалните проблеми. 
Се спомнаа и законските измени и проблематичноста на формулацијата за употреба на кацигата во новиот предлог-Закон и различните толкувања кои ги предизвикува.
Општините немаат надлежност на големите булевари каде најчесто се наоѓаат велосипедските патеки, но можат да ги направат внатрешните улици во соседствата по-велопријателски, да воведат зони 30, да го регулираат паркирањето на возила, да ги сменат високите рабници со рампи итн.
 

07 November, 2014

Ветеруваме на точак! (фото-преглед)

Училница на отворено за основни сообраќајни правила при возењето точак, проверка на исправноста на точакот и првата Детска Критична Маса заедно со игри за загревање и ориентација во простор - во здружен настан на Ветерница и НаТочак.
(линк од најавата на настанот)
Едно есенско пладне на 26.10.2014-та ветерувавме и се дружевме во парк деца од различни возрасти и нашите пријатели - точачињата :)
Нека е за многу вакви дружби, живи јавни простори во градот и многу дечиња на точачиња!
Проследете го фото-прегледот.

Истите фотографии ги има и во Facebook-албум



Сообраќајните знаци се спремни


За ветерничките користевме дрвца најдени во паркот...
 


Поставуваме ветернички



Точачињата спремни да ветеруваат



Мало загревање и вежби за ориентација во простор



Училница на отворен простор 



Децата знаеја многу повеќе за сообраќајните правила отколку што можевме да замислиме 
Знаеја дека не е во ред чиковците и тетките да паркираат на велосипедски патеки, на пример  И дека во зони на смирен сообраќај децата имаат предност! Возрасните треба да учат од нив.
 



Им правиме „М“ проверка на точаците дали се' им е исправно пред да тргнеме...



Јухууу!
Првата Детска Критична Маса започна!



И сонцето е на наша страна 
Дека сонца од дечиња 
 






Секаков транспорт на свој погон е за поздрав 



Стоп. Погледни лево и десно пред да се вклучиш во главната „сообраќајница“  





Во десно 



Во круг! 
„Кружниов тек“ го свртивме неколку пати 
 



Прекрасно есенско пладне за во парк.




Се ближиме кон крајот, но уште ни се вози  




Кога се' поминало добро и сме задоволни од доброто возење, на крај ги подигнуваме точаците, како што доликува за една Критична маса! Браво дечиња!  



И уште по некоја игра пред да си одиме дома... 
 

30 July, 2013

Извештај од Критична маса #14


Точакот е превозно средство кое се движи на тркала. Делува очигледно, но...
Во градов има повеќе места каде не претпоставиле дека треба да се искачи или симне некој кој се движи на тркала отколку што има онакви каде тоа го имале предвид.
И ние сакаме тоа да се смени! 

на бул. Кочо Рацин рабниците се високи баш таму кај што велосипедската патека се спојува со пешачкото острово
Преку јавниот повик за праќање на фотографии од проблематични, но и релативно добри локации во градот собравме повеќе фотографии. Направивме албум во кој го илустриравме проблемот на „скалите“, т.е. високите рабници кои треба да се заменат со рампи со добар наклон кои ќе овозможат непрекинато, удобно и пред се' безбедно движење на тркала, не само за нас кои се движиме на точак, туку и на оние кои се движат во количка, со детска количка или влечат куфери или било каков товар на тркала. Висинската разлика меѓу коловозот и тротоарите треба да биде лесно совладлива!

Критична маса 15 ја посветивме токму на овој аспект од инфраструктурата во Скопје апелирајќи дека Скала не е за тркала.

Како што на тркалата на пајтоните им требаат слеани рампи...
Така им требаат и на нашите тркала... (фотографија од Еванстон, Илиноис)
Околу 400 учесници дадоа поддршка на оваа идеја со своето присуство.
Возевме на 26.06.2013 година (последната среда во јуни) почнувајќи од 19:00 во пријатни временски услови. Во текот на возење забележително ни се приклучуваа точакољупци во Кисела Вода и во Центар.
Почнувајќи од паркингот за НЛБ до платото покрај Фонтана, Градски парк, групата шараше по следниве улици:



Овојпат имавме најдобро организирано зачепување (фино замолување на возачите на моторни возила да причекаат додека помине цела група заради помало закочување на сообраќајот и поголема безбедност) за што послужија флаерите со упатството за учество на КМ и за зачепување, како и поголемото искуство кое го имаат сите учесници.

Во кутијата за донации завршија 870 денари, а за промотивните материјали (постери и флаери за КМ 14 и општи флаери) беа потрошени 1050 денари. Благодариме на придонесот на сите!
Им благодариме и на Александра Христов за дизајнот на промотивните материјали и на @tiktaknaradio за радио- џинглот (достапни тука), како и на сите кои на било кој начин помогнале или ја споделиле информацијата за оваа Критична маса.



постерот за КМ #14
Еве како помина возењето:

Еден празен пуст простор се исполнува со луѓе
Се собираме од сите генерации...

И поаѓаме!
кон Кисела Вода
Почекуваме да се збие цела група
Се грижиме безбедно да поминат сите
На удолницата кон Охис
Се наѕира индустриската зона
Пак се причекуваме...
И поаѓаме!
На булевар...
со прекрасно зајдисонце пред нас!
по уличките низ Кисела вода...
не' поздравуваат домаќините...
Мафкање
И држење за раце :)
Во Скопје имало зони 30!
Детенцево го претрча цел парк за да не' поздрави :) Радост!
Кон Центар...
Причекуваме..
На црвено...
Спроти Собрание
Од високо на Рекорд
Пропуштаме пешаци
Изненадување! Толку многу луѓе со точаци!
Убава долга колона
И најмалите учесници...
На ширинката се причекуваме..
По пајтонската патека...
Под мостот Гоце Делчев кон парк...
Поздрав до кафанџиите...
Уште малку!
Се собираме на крајната точка.
И уште...
Сите фотографираат некое чуденце што светка
И вели: „СИТЕ НА ТОЧАК“
Подигнуваме точаци...
Не толку синхронизирано овојпат :)
360 панорама
BIKE POWER
Дружење на крај
Со многу многу точакољупци во парк.
Благодарност до сите за учеството, дисциплинираноста, опуштеноста, справувањето со ситуациите, грижата едни за други и убавата атмосфера!
Особена благодарност во името на сите учесници до дечките кои несебично се погрижија за безбедноста на масата. Секоја чест!
Нашата видливост како луѓе кои се превезуваат на точак, се зголемува, треба да останеме упорни, да расте критичната маса и да изнаоѓаме различни начини на делување.
Скопје може да стане подобар велоград!
Се гледаме на Критична маса 15!