Извештај од КМ#8 - 26.12.2012

Има многу работи кои пречат во возењето точак низ градот. Скопје не е најлошиот, но не е ни пријателски велосипедски град во начинот на кој градските политики, планирањето, фактичката изведба на улиците и општата сообраќајна култура го третираат овој вид на сообраќај.
Несовршената состојба е причина да реагираме и да се собираме, но не е причина и да не се радуваме на возењето. За што би барале подобри услови ако не за нешто во кое уживаме? J

Осмата критична маса како и сите претходно, ако не и повеќе, помина во тој дух.

Претходно, во пресрет на почетокот на Новата година, место флаери подготвивме честитки на македонски и во електронска форма на англиски и албански јазик. Слободно споделувајте ги до вашите пријатели!





Нив и другите материјали ни ги дизајнираше Иван Петрушевски Флим. Нему и на сите претходни дизајнери им благодариме за поддршката на наТочак со точакољупски дизајни!

Честитките се делеа како најава на КМ8 на луѓе кои ги забележувавме на точак низ град, на нашите поддржувачи, a им пративме по пошта на институциите одговорни за условите за возење точак во градот. 

 

Градоначалник на општина Аеродром Ивица Коневски Ул. Венјамин Мачуковски бр.6 Б 1000 Скопје	Синиша Ивановски ЈП Улици и патишта ул. Коле Неделковски бр. 38  1000 Скопје
Градоначалник на општина Бутел Петре Латиновски Ул. Бутелска бр.4 1000 Скопје	Борче Јакимовски ЈП Градски Паркинг- Скопје бул. Илинден бб 1000 Скопје п. фах. 739
Градоначалник на општина Гази Баба Тони Трајковски Бул. Александар Македонски бб 1000 Скопје	Мишо Николов Јавно сообраќајно претпријатие Бул. Александар Македонски бр. 10 1000 Скопје
Градоначалник на општина Ѓорче Петров Сокол Митревски ул. Ѓорче Петров бр.73 1000 Скопје	Душан Авировиќ ЈП Паркови и зеленило Илинденска бб 1000 Скопје
Градоначалник на општина Карпош Стевче Јакимовски ул. „Демир Трајко“ бр.43 1000 Скопје	Ракип Дочи Јавно комунално претпријатие Комунална хигиена Ул."7 јули" бр.40 1000 Скопје
Градоначалник на општина Кисела Вода Марјан Ѓорчев Бул. Првомајска б.б. 1000 Скопје	Маргарита Бакев ЈП Паркинзи на Општина Центар Ул.8-ма Ударна бригада бр.20а 1000 Скопје
Градоначалник на општина Сарај Беким Мурати Рекреативен центар Сарај, б.б 1000 Скопје
Градоначалник на општина Центар Владимир Тодоровиќ Ул. Михаил Цоков б.б. 1000 Скопје	Министер Гордана Јанкуловска Министерството за внатрешни работи Ул. Димче Мирчев бр. 9 1000 Скопје
Градоначалник на општина Чаир Изет Меџити Бул. Христијан Тодоровски бр.5 1000 Скопје	Министер Миле Јанакиески Министерство за транспорт и врски Плоштад Црвена Скопска општина бр. 4 1000 Скопје
Градоначалник на општина Шуто Оризари Елвис Бајрам Ул. Виетнамска б.б. 1000 Скопје	Министер Абдулаќим Адеми Министерство за животна средина и просторно планирање Ул. „Дрезденска“ бр. 52 1000 Скопје
Градоначалник на град Скопје Коце Трајановски Бул. Илинден бр.82 1000 Скопје

Ним им посакуваме да почнат да вртат педали во новата година и да го подобруваат квалитетот на животот, и личен и градски ;)

Со КМ8 Ја заклучивме 2012-та славејќи го возењето точак во многу убава атмосфера. И покрај скопските магли, ниските температури и блокираните улици заради протести во градот. Благодариме на сите учесници за тоа!

Ја извозивме оваа рута непосредно околу центарот на градот:

 
View Критична маса - Скопје на точак #8 in a larger map

и завршивме на плоштад Македонија каде не’ чекаше топло чајче или кафе и честитки за присутните.

Добар дел од учесниците на Критична маса сериозно го сфатија повикот за осветлување на точаците и нивно новогодишно украсување, што уште повеќе придонесе за убавата атмосфера.

Еве како помина возењето низ серија фотографии и едно видео:

Се собираме на платото покрај Пошта...

Спремни за студот...

И спремни за новогодишно возење...

И не се само точаците украсени :)

Спремни за тргнување?

„Јас сум спремна!“

Спремни и за да бидеме забележани во мракот!

Па и не само Скопје, нели? Воопшто не е лоша идејата и за велосипедски поврзана Македонија! :) 

Идејата на критична маса е да остави траг...

кај учесниците и минувачите...

Заземаме привремено дел од улиците...

па кога ќе потпорасне малечково да оди со точак на школо по трајно слободни и убави патеки... 

Возиме низ скопските магли и гужви.
Во одлична бројка на присутни за така ладен и темен месец како декември.

Посветени на велосипедот :) и градот...

ги поврзуваме, реоткриваме и реосмислуваме неговите простори... 

Слободно се собираме...

и изразуваме љубов и став...

Сакаме поубав град!

Сакаме град добар за на точак!

Добар за дишење, движење, за сите нас...

Споделуваме топло чајче и топол збор...

Споделуваме простор...

И идеи...

Споделуваме фотка на ФБ :)

И поздрави до весели дружини :)

И желба да се гледаме пак во 2013 на точак!
Bike power!
Среќна точакољупска на сите!

На 70-ината присутни им благодариме особено за возењето во критичната маса, но и за донациите!
Во кутијата за донации собравме  3215 денари. За честитките и постерите за КМ8 беа потрошени 3034 денари. Па заедно со донациите од претходно, буџетот на наТочак моментално изнесува 2248 денари. Точакољупци, секоја чест!

Кога почнавме да правиме точакољупски собири, идејата за Критична маса беше на „можеби“... Кога почнавме да правиме критични маси, идејата дека ќе се вози во зима беше на „можеби“. Кога ја извозивме веројатно најладната и најтемната критична маса со ваква поддршка од вас драги луѓе, веќе не се сомневаме дека не’ чекаат 12 критични маси во 2013 во кои ќе ги преплавиме улиците со точаци, радост и критична маса за промена.

Се гледаме во 2013-та!
И не стискаме желби, ќе стискаме педали! :)

Read more »

Најукрасени точаци на КМ#8

Кој вели дека за нова година се китат само елки? Голем дел од учесниците на Критична маса #8 новогодишно ги украсија своите точаци. Еве дел од најукрасените.

Read more »

Критична Маса #8 - новогодишно возење

Датум: 26.12.2012
Место: плато покрај Пошта (пред мост Гоце Делчев)
Време: 17.30

Со 2 јасни желби: повеќе луѓе на точак во новата година и подобрени услови за возење точак, ќе ја возиме осмата Критична маса, последна за оваа година. Првото го условува второто и второто го поттикнува првото. Да го движиме кругот! :)

Да мотивираме, славиме, критикуваме и да продолжиме да стискаме педали за поубави места за живеење!

Облечете се топло и накитете ги точаците. Ова е свечено предновогодишно возење! :)
Опремете се со светла и звуци, да бидеме видливи, гласни, но и внимателни едни кон други и другите учесници во сообраќајот. Ќе возиме околу строгиот центар и завршуваме на плоштад Македонија каде ќе не' чекаат чајче и честитки.

Ова е рутата на движење:


View Критична маса - Скопје на точак #8 in a larger map
Се гледаме во среда!

Промотивните материјали за КМ8 може да ги најдете тука, a facebook настанот тука.

Read more »

Промотивни материјали КМ#8

Промотивни материјали за КМ#8 - новогодишно возење!

Плакати

За печатење (tif) (само preview-то има изменети бои)

jpg

Честитка

За печатење (pdf) - предна страна (македонски)

За печатење (pdf) - задна страна (македонски)

За печатење (pdf) - две страни (албански)

За печатење (pdf) - две страни (англиски)

Предна страна (македонски)

Задна страна (македонски)

Предна страна (албански)

Задна страна (албански)

Предна страна (англиски)

Задна страна (англиски)

Банери

900 x 800

980 x 100

Cover

Read more »

Извештај од КМ#7 - 28.11.2012

Кој би претпоставил -  повеќе учесници на Критична маса во ноември отколку во октомври?! 100-тина скопски велосипедисти им ја дадоа недолжната чест на старо-новите скопски булевари и улици: Илинденска, Климент Охридски, Мито Хаџивасилев Јасмин (по ново Кирил и Методиј), Митрополит Теодосиј Гологанов и Манапо.

Кога би возеле по новите т.н. велосипедски патеки, тоа би изгледало некако вака . Ги покануваме оние кои тврдат дека тука постојат (добри) велосипедски патеки лично да ги испробаат или барем да го погледнат видеото.

Многу често како одговор на било каква критика од нашите сограѓани слушаме „Е добро де, тоа не е ништо страшно“. „Е добро де“ не гради подобар град. Мораме да ја менуваме свеста за нештата пред се. Прво самите ние под сообраќај мора да подразбираме и пешачки и велосипедски, а под улици, улици пријателски за сите, а не само коловози за брзо возење автомобили!

Во тоа име ја возевме Критична маса #7, во име на улици и за точаци!

А зголемената бројка на присутни и покрај континуираното заладување на времето во овој период потврдува дека граѓаните на Скопје имаат потреба од промена на третманот кон велосипедскиот сообраќај. Токму затоа завршивме со подигнување на точаците во раце баш пред објектите на администрацијата на град Скопје. Симболично покажувајќи дека велосипедот е моќно средство за трансформирање на градот, а не „пропратна содржина“. 

А овој пат, на целта во Градски парк освен кревањето точаци, не` чекаше и топло чајче и убави моменти на дружба.

Како изгледаше возењето можете да погледнете од следните фотографии.

Додека се собираме спроти парк

Мене не ми студеше. Вам?

Од позитивната атмосфера пред тргање

Имав време и малку да дремнам.

Стартот го проследи ТВ екипа

Мир, љубов, разбирање

привремено трансформиран простор...

..со поинакви активности и искуства

Како изгледавме од повисоко - Skopje City Mall

Кревањето на точаците на целта

Во отсуство на паркиралишта, мора да се импровизира

Чај за крај.

На целта направивме мини интервју со гостин од Германија. Зборува за КМ7 и за искуството со возењето точак во Македонија.

На крајот од возењето во кутијата за донации беа собрани 1667 денари. Трошоците за ноември беа 800 денари печатење постери и флаери, и 560 денари за чаевите. Заедно со донациите од претходно, моментално имаме 2067 денари.

Благодарност до сите со кои ја креираме Критична маса заедно. Се гледаме на крајот на декември на предновогодишната! Накитете ги точаците!

Read more »