30 May, 2013

Роденденска изложба

Вчера на прозорите од Младинскиот културен центар беше поставена мала изложба на постерите од сите досегашни 13 критични маси.

Уште кога почнавме да ги правиме неформалните собирања на точакољупци, пролетта 2012 година, се појавија дизајнери кои доброволно дизајнираа постери. 
Подоцна со првата Критична маса го добивме и логото. Па нова верзија. Па оваа денешната. Дизајнерите и понатака имаа желба да придонесат за Критична маса, а тоа, иако непланирано, сосема се вклопуваше во филозофијата на ова движење. 
Па така решивме да продолжиме и натаму: со вклучување на што повеќе дизајнери во 'визуелниот идентитет' на месечните возења точак по скопските улици. 
Како што Критична маса е шарен придонес од многу ситни акции на многу луѓе, така и постерите: секој од различен автор, различни, уникатни, со свој белег, придонесуваат одекот на ова движење да стигне до што повеќе различни луѓе со различни стилови и вкусови.

Од името на секој што мрднал со прстот за нешто да се случи во ова неформално друштво, им благодариме многу на дизајнерите на 13-те постери досега, се извинуваме за преполните инбокси и најважно е дека без нив кругот немаше да сврти до тука!
Веруваме на обострано задоволство!

Стилот и ангажманот на Критична маса зависи од сите нас!
Среќни сме што цела година Критична маса баш ни е убава, во секој поглед! :)

Следуваат фотографии од изложбата и преглед на сите изложени постери.

Местото на мини- изложбата
Прв дел од постерите
Втор дел
Луѓе разгледуваат
Постерите и презентацијата од фотографии и видеа на платно
Изложбата позади. Напред масичката со налепниците.
И мала онлајн изложба на сите постери кои беа изложени вчера, почнувајќи од оној на кој беа претставени сите 12 рути извозени изминатава година. 

За подетален разглед на сите промотивни материјали изработени од дизајнерите за конкретната Критична маса, кликнете на линкот со нивното име.

Кои маала ги видовме годинава?
Сите 12 патеки од првата година Критична маса во Скопје





Точакољупци или На Точак,
што да стои на постерот?
Па и мапата баравме да ја стават,
кутри дизајнери со почетници :)





„Идејата ми дојде додека возев точак“
и слични почетнички занесувања.  
Ама стварно ни доаѓаа со секоја нова критична маса :)







И’ рековме дека треба да разговараме
за дизајнот до 10ти јули,
ни го прати завршен на 8ми.









Успешно вметна господин во дизајнот,
иако не му го имавме кажано навреме слоганот.





Минатиот пат- господин, сега машка школска банда.
Не сакаме да им се мешаме на дизајнерите,
ама мораше да има девојче :)

 







Смислуваме тема за насочување на критиката
кон неосветлените велосипедисти.
Успева во дизајнот да ја искритикува
и состојбата на патеките :)







Му влезе на дизајнот мртва сериозна.
Производ - дизајн на многумина омилен.





Едвај се најдовме,
но комуникацијата потоа беше најлесна на свет.
И новогодишни моменти и други јазици, се’ вклучено.






I drew a knight on a bike fighting a smoke monster.
Your argument is invalid.





Да го извадам или да го ослободам... точакот? :)
Ќе си почнам со своерачен цртеж,
а вие мислете му ја за слоганот.







#CelebrateLife #НаТочак!
А овие од колите заглавени нека пцујат :)

   






Редефинирана тема и комуникација од 88 мејла.
Ама се исплати :)




Побаравме дизајнер за КМ 13, ни донесе цела лабораторија.
Лого па ич не побаравме, а го добивме :)
Во знак на благодарност постерите од изложбата им ги подаривме/ќе им ги подариме на нивните автори.

28 May, 2013

Инфографик од анкетата „Точакољупци, не' има ли доволно?“


Минатата година во октомври спроведовме онлајн-анкета преку која сакавме да ги испитаме ставовите на точакољупците за ситуацијата со велосипедскиот сообраќај во Скопје и нивниот однос кон неа. 
Ни одговорија и граѓани од други градови чии одговори се вклучени во делот за Македонија.

Дополнителното текстуално објаснување на анкетата и анализата на текстуалните одговори ќе ги објавиме кон крајот на неделава.
Очи во очи годишнината сакавме да ги покажеме резултатите барем преку инфографиков.
Во Скопје има се' повеќе луѓе на точак!
Погледнете што најмногу ги поттикнува да возат точак оние сограѓани кои возат и што ним, како на редовни учесници во сообраќајот на точак, најмногу им пречи во градот.
Исто и зошто не возат оние кои не возат, а кои би возеле кога условите би биле подобри.
За да се омасови уште повеќе возењето на точак, одговорните мора да се позанимаваат со решавање на тие проблеми. 
А нам ни претстои нова година со активности во кои ќе ги истакнуваме и популаризираме.
Се надеваме на поддршка голема како и досега!

Скопје на точак, големо да растеш!

Се гледаме на роденденската Критична маса #13 утре во најголем број досега!

Инфографикот во поголема резолуција- линк.

Инфографикот со сликовито прикажување на резултатите од анкетата го изработи Зоран Инадески, му благодариме!
Им благодариме и на списанието Лице в лице  за неговото објавување и поддршката. 



24 May, 2013

Промотивни материјали - #КМ13


[графички дизајн: Небојша Гелевски- @banekoma]


постер, А3, верзија за веб (jpg)
Постер, линк до верзија за печатење (pdf)


флаер, А6, предна страна, верзија за веб, црно-бело (jpg)
флаер, А6, задна страна, верзија за веб, црно-бело (jpg)             
Флаер, црно-бел, линк до верзија за печатење (pdf)

Банери:

Анимиран swf банер

веб-банер 300x250

веб-банер 800x800, цел текст

веб-банер 800x800, скратен текст

веб-банер 900x800, истакната КМ 13, цел текст

веб-банер 900x800, цел текст

веб-банер 980x750

веб-банер 980x100

аватар, комплициран :)

аватар, едноставен

аватар, среден

FB cover, 851x315

[џингл: Foolish Green]





23 May, 2013

Критична маса #13: Скопје на точак, големо да растеш!

Датум: 29.05.2013
Тргнување: 17:30, паркинг кај Веро Центар

Забава: 19:00, на платото пред МКЦ

Промотивни материјали: линк.
Facebook настан: линк.
Рута: линк.

Известување до медиуми: линк.


постерот за КМ 13


1 година од првата Критична маса во Скопје.
12 заеднички возења, 12 различни теми и неколку директни акции. 


Посочувајќи на проблемите во Скопје и предностите од возењето точак, стотици граѓани возеа заедно, покажуваа дека постојат и дека Скопје мора да обрне внимание и на велосипедскиот сообраќај!

Илјадници граѓани на најразличен начин изразија поддршка на желбите за подобри услови за возење точак!

Дојдете повторно и оваа среда на роденденската критична маса, повторно да се повозиме заедно и да го славиме возењето точак! 

Облечете ги највеселите и најшарените партали што ги имате во вашиот шкаф. Земете свирчиња, вувузели, балони, транспаренти. Земете ја целата позитивна енергија со вас и фиксирајте ја насмевката на вашите лица, because it's party time! :D

Тргнуваме во 17.30 од паркингот до Веро Центар, а завршуваме околу 19:00 пред МКЦ, каде што ќе има журка! Па роденден ли е, што ли е? :)

Пред МКЦ ќе не' чекаат:

- Фонија
- Човекот од Хром ака ЛД Пистолеро, Љупа Д Џон ака Ѓон, Вселенковци и Гоце САФ


Патeката ќе не' прошета до Лисиче и назад по булевари, улици и сокачиња по кои многумина од нас никогаш не поминале. Тука патеката подетално:



View Критична маса - Скопје на точак #13 - роденденска in a larger map


Добредојдени се сите кои возат точак и сите кои ја поддржуваат желбата за почист, порелаксиран и поубав град. 


Нека заѕвонат 1000 ѕвончиња за подобар вело-град!

Да покажеме дека не’ има многу и да растеме, отворајќи простор за уште поактивна година со поголема критична маса!

Скопје на точак, големо да растеш!


Неизмерна благодарност до сите кои несебично дадоа се' од себе за да може овој настан да се одржи.


*Внимавајте на себе и на другите.

*Секој учесник вози на своја одговорност.

22 May, 2013

Извештај од Критична маса #12

Велосипедот покрај тоа што е играчка за најмалите, средство за рекреација и спортување за рекреативците и спортистите, мора да почне да се третира и како превозно средство и да си го добие заслуженото место во градските политики, урбанизмот, инфраструктурните проекти. И пред се' или паралелно на тоа- и во свеста кај граѓаните. Впрочем, тоа е една и од поентите на Критична маса.

На еден или друг начин, тоа постојано го потенцираме. Но решивме Критична маса #12  да ја посветиме баш на врската меѓу точакот и градот. Преку работилница го запознававме точакот, а преку уште една Критична маса го до/ ре /пре-запознававме градот. Точакот е средство не само за превоз низ градот, но и за негово запознавање одблизу. И на КМ #12 отидовме во делови од Скопје во кои досега не сме биле.



View Критична маса - Скопје на точак #12 in a larger map


Критична маса #12 помина низ помалку и повеќе населени места, 
индустриска зона, дел од  културно-историско значење, низ зелени и низ сиви делови, низ одржувани и неодржувани, низ рамни и низ стрмни. Сите прекрасни за на точак и скоро сите без велосипедски патеки! Центар, Чаир, до Бутел на север и назад кон југ низ Топанско Поле по ридот на Кале до паркингот пред влезот во тврдината каде не' чекаше прекрасно зајдисонце и 2 мали изненадувања.

Највозрасниот и најмладиот учесник на Критична маса си добија подароци од Dragon Custom: кожни рачки за точак и тетоважа. А луѓето од СкопјеСончоГлед делеа зрна сончоглед за герила садење. Благодарност до нив што ја направија Критична маса #12 поинтересна :)


Во кутијата за донации завршија 2048 денари, а за постерите и флаерите за КМ #12 се потрошија вкупно 1010 денари. Благодарност до сите кои помагаат да биде Критична маса самоодржлива!
Благодарност и до Игор Делов кој ги дизајнираше промотивните материјали за оваа Критична маса. 

постерот за КМ #12
И секако до сите 320 граѓани (можеби и повеќе) кои ја извозеа оваа интересна рута, го запознаваат Скопје и му помагаат на Скопје да го запознае точакот.

Еве како изгледаше возењето на 12-тата критична маса низ Чаир. Многу среќни лица на точак и многу весели лица кои ни мафтаа од страните. Скопје тој ден беше поубав град.




Уште едно видео од КМ 12, некаде пред целта, на удолницата пред Кале, фиууу!


Кревањето на точаците на една од поинтересните завршни точки за КМ досега, на Кале, со поглед кон зајдисонцето. Малку не' измори рутата, ама беше ново и прекрасно искуство!


И избор фотографии од возењето:
Се собираме на плоштад
И се собираме..
Не' има многу!
Мајки, татковци, ќерки...
Дедовци и внуци... Не' има од сите возрасти!
Позирање 1
Позирање 2
Тргнуваме!
Меѓу тарабите по пешачката улица претворена во улица за моторен сообраќај!  Чекор назад :(
Малку се развлековме пред Битпазар во 3 ленти...
Ама брзо си се собравме во една :)
Прекрасните дрвореди во Чаир
И прекрасните девојки на точак :)
Ни се придружија локални дечиња кои си играа на улица. Извозеа до крај!
Низ Бутел
Поминавме и низ ненаселени зони кои ги двојат населбите..
Топанско Поле па пак Чаир

На раскрсницата спроти Американска амбасада

Долга, долга колона...

Влегуваме во Топаана
Расположени возачи! Такви ги сакаме :)
И ова е Скопје
Контрасти
И локалците на точак!
Срдечен пречек
Топаана е дефинитивно една од погостопримливите населби во Скопје
Не е во добра состојба, ама овде дефинитивно се цени и користи јавниот простор
Последната угорница...
                     
Occupy тревник за поубава позиција кон сонцето
И уште точакољупци пристигаат...
Bike power!
Подигнувањето на точаците на целта

Не ги собираше сите во обична фотографија, па мораше панорама :)
На крај: уживанции во едно магично скопско катче.
Прашајте било кој кој вози точак и ќе ви потврди. 
Точакот не само што е ефикасен, економичен и здрав за градот (=луѓето кои живеат во него), туку е и средство за негово истражување, зближување со него и уживање :)

Скопје, те сакаме!
Се гледаме на Критична маса #13!