Извештај од Критична маса #11

Пролетта е во полн ек и улиците се полнат со точаци и повеќе од лани.
А ситуацијата со окупираните велосипедски патеки воопшто не се подобрува.

Во пресрет на „сезоната“, со Критична маса #11 на 27.03 и активностите околу неа го посочивме овој проблем: апсурдноста и опасноста на ситуацијата во која се доведени велосипедистите (исто и пешаците). 

Илустрирање на апсурдната ситуација, кога ќе се постави vice versa

Ни од властите, ни од своите сограѓани кои се движат со автомобил, тие не се третирани како учесници во сообраќајот, па патеките наменети за нивно движење се се' почесто претворани во легални или нелегални паркинзи, сеедно.

Credits to @medodimoski

Како една од најодговорните институции за ова прашање, ги исконтактиравме надлежните од МВР преку писмо во кое побаравме да помогнат да се почитуваат законите, а со тоа да се зголеми безбедноста на сите учесници во сообраќајот.

За да го популаризираме проблемот меѓу нашите сограѓани, направивме повик за собирање фотографии од непрописно паркирани возила. Албумот: За чие движење се предвидени велосипедските патеки? и покрај тоа што Критична маса #11 помина, е се' уште отворен за дополнување, како што и проблемот е се' уште актуелен.

Дополнително, преку флаери кои ги поставувавме на бришачите од лошо паркираните возила се обративме со пријателски тон кон возачите. Можеби и не знаеја овојпат, па да ги информираме :) 

Останатите пораки, тука. Благодарност до Горан Костовски- Индог за дизајнот на промотивните материјали за КМ 11!

постерот за КМ 11

Кога и ќе помислиме подобро, голем број од велосипедските патеки не се ни означени и дел од граѓаните не се свесни дека соодветната патека е велосипедска, а не пешачка. Што секако не ги ослободува од одговорност таму паркираните возачи.

Баш тој проблем со непостоењето на ознаки бил инспирација за група активисти со точаци со обичен стенсил и спреј да ги обележат патеките на некои од најгорливите локации во градот. Одговорните служби не треба многу да се потрудат и потрошат. 

Лесно е, ако се сака.

И конечно, и самото возење на Критична маса 11 беше посветена на тој проблем.
Околу 220-250 луѓе извозеа симболично по едни од најкритичните и најнебезбедни улици во Скопје за возење велосипед барајќи рамноправен третман во сообраќајот.

View Критична маса - Скопје на точак #11 in a larger map

Временските услови беа одлични, а ние бевме погласни од било кога!
Од некаде се појави полиција, но присуството на нивните возила (за жал не со велосипеди!) не влијаеше воопшто негативно на атмосферата. Напротив, бевме погласни од било кога!

Ечеше Скопје од свирки, вувузели и слеано завивање :)
Погледнете во видеата:

Почнавме од паркингот спроти Влада за кој дознавме дека се наплаќа и покрај тоа што окупира јавна површина- велосипедска патека:

Што се случува со пешачкото и велосипедското движење тука? Не постојат?

Немаше доволно место да не' собере на „паркингот“

Едно куче во корпа и едно што трчкаше не' дружеа на оваа КМ

И неколку мали дечиња со своите родители

Многу насмеани точакољупки

Ја окупираме Партизанска

Колони од точаци го пресекуваат бул. Климент Охридски. 

Интересно беше кога колоната се пресретна во двете насоки после Кружниот тек кај Католичка црква, на ул. Митрополит Теодосиј Гологанов.

Завршивме со подигнување на точаците во паркот Јане Сандански во Аеродром.

На крајната дестинација во кутијата за донации завршија ~2537 денари од учесниците.
Точакољупци и пол! :)Трошоците за оваа Критична маса беа вкупно1450 денари за печатењето на постерите и флаерите.

******Случувања по Критична маса #11******

На 10-ти април, пријатели на Facebook профилот на НаТочак не' информираа дека на Партизанска полицијата опоменувала непрописно паркирани возила. 

Звучеше предобро за да потрае, и за жал оттогаш речиси ништо не се променило.

Во програмите за избори почна срамежливо да се појавува зборот велосипед.
Чекаме промените да се појават и во стварноста :)

И продолжуваме да возиме и да посочуваме на проблемите!
Зашто веруваме дека добрите услови за возење точак, значат подобри услови за живеење во градот за сите!

Read more »

До Тетово, низ Тетово и назад. Како поминавме низ 3 видеа.

На повикот за возење заедно до Тетово каде ја поддржавме со присуство првата Критична маса на тетовчани, се одзваа триесетина скопјани. 
Се чекавме на 2 локации во Скопје и тргнавме по стариот пат Скопје- Тетово.
Патот воопшто не беше напорен. Имаше доста луѓе кои за првпат возеа на подолга рута или за првпат вон град и немаа апсолутно никаков проблем да ја извозат релацијата во еден ист ден во двете насоки!
Одлично искуство низ убави предели кое го препорачуваме! 

Еве како поминавме во насока од Скопје кон Тетово: 



Стигнавме во Тетово саат и пол пред почетокот на КМ, тамам малку да одмориме.
Временските услови беа идеални, сончево беше речиси цело време. Тетовчани- расположени за возење точак (дел и за ролерки :)). Дојдоа околу 70-ина. 
Состојбата на улиците, пак, далеку од идеална: автомобили паркирани насекаде, хаос поголем и од тој во Скопје. Не се почитуваат ни автомобилски ленти, а велосипедски се веројатно нешто на кое ретко кој помислил. Но мора од некаде да се почне. А се чини, Критична маса Тетово почна мноогу добро.
Погледнете го видеото од првата КМ во Тетово:

Извозевме полека и дисциплинирано, возачите на коли беа дури и потрпеливи од скопските, а граѓаните не' поздравуваа со аплауз.

Тетовчани одлично се снајдоа, секоја чест! Им посакуваме уште многу многу критични маси и уште многу нови граѓани на точак секој ден!

Ако сте од Тетово или се затекнете во Тетово (или намерно отидете ;-)) придружете се на  КМ Тетово втората сабота, секој месец.

После убавото искуство на КМ 1 Тетово и дружењето со тетовчани после тоа, точаците под нас и накај 17:00 полетавме за Скопје. Возењето во оваа насока беше доста побрзо од возењето кон Тетово заради удолниците. Сепак, малку не' задржаа дупнување на гума и слични мали проблемчиња, но лесно и солидарно ги решивме и стигнавме во Скопје пред да се стемни. 

Што повеќе да се каже, освен дека посакуваме повеќе вакви убави денови во годината, повеќе убави настани во секој град и повеќе градови со своја КМ.

До следниот ;) ...

Read more »

Извештај од КМ#10 - 27.02.2013

Го извадивте ли точакот од гаража? :)

Веќе е пролет и секое одложување значи помалку време за уживање оваа година. 
Зимата заврши, а пролетва е совршена. 
Некои од нас возат и во текот на цела зима, а некои се одзваа на повикот на Критична маса #10 и ја отпочнаа порано сезоната. Целта на КМ #10 беше токму тоа. 

Му благодариме на Давор Пехчевски чиј дизајн добро го долови повикот за ослободување на точаците и сопствените комфорни граници.
Џинглот на ТикТак, пак, си поигра со февруарската нота на повикот ;)
КМ #10 (и општо Критична маса) се промовираше и преку видеото „На улица, #naTochak“ кое го прикажавме премиерно на настанот Engage. 

Попладнето во последната среда во февруари температурата беше солидна (~10С), дувкаше ветер што малку не' успоруваше, но не врнеше како што многумина очекуваа. А на 150-ина учесници им беше сеедно. Дојдоа спремни да возат во секакви услови! 

Се собравме на платото меѓу гаражата од Влада (во која во догледна иднина се надеваме ќе се паркираат велосипедите на вработените функционери) и големите мачки на мостот Гоце Делчев. Пригодно, февруарски!

Собирањето на стартната точка кога уште беше светло.

Во возењето се моткаа меѓу нас неколку балони...

Точаците се современите коњи кои ти даваат чувство на летање низ градот :)  И плус се на сопствен погон!

На ова возење истраживме нови улички во градот...

Кружните текови во секојдневиото ни се тешки за снаоѓање, не знаеш дали да се однесуваш како автомобил или пешак...
Но затоа ни се многу интересни на Критична маса! 

Извозивме по рутата низ Дебар Маало, Карпош I, II, III, IV, Влае, Ѓорче Петров и Хром. За првпат завршивме на спортските игралишта во Влае на кејот на Вардар.


View Критична маса - Скопје на точак #10 in a larger map

Оние кои стигнаа до целта можеа да си земат беџ во една од двете различни големини.

Беџовите беа изработени благодарение на донациите кои завршуваат во кутијата за донации после возењата. 

                                     
За КМ #10 беа потрошени севкупно 3340 денари за постерите, флаерите и беџовите, а во кутијата за донации завршија 2211 денари. Благодариме на придонесот!
И благодариме за уште една прекрасна Критична маса!

Возењето помина во најдобар ред, групата се саморегулираше подобро од било кога! Чувството да возиш во таква група е неописливо убаво! Окупиравме со мали отстапки само една лента од коловозот, се грижевме едни за други и имаше доста доброволци кои љубезно ги замолуваа возачите на автомобили да бидат трпеливи ако требаше да не' почекаат за да поминеме. Секоја чест, точакољупци!
Како што ни се релаксирани и глатки видеово и улиците за автомобили по кои возиме, такви да ни бидат и патеките за точаци! Без борби со рабници.

Возењето го завршивме со подигнување на точаците:

Дружењето продолжи во кафуле во Порта Влае во кое (отпосле сфативме!) имаше часовник во облик на велосипед.

Во Порта Влае нема паркинзи за велосипеди па ги окупиравме оградата и светилките :)

Се гледаме на Критична маса #11 и се гледаме по скопските улици оваа пролет во уште поголем број! 

Ѕрн, ѕрн!

Read more »

Извештај од КМ#9 - 30.01.2013

Јануарската Критична маса - Скопје на точак, деветта по ред, ја посветивме на скопскиот загаден воздух, особено забележлив во зима. Темата на ова возење беше „Избори се за воздух!“.

Преку повикот за КМ#9 истакнавме зошто загадувањето во Скопје не смее да се игнорира. Како едно од комплексот решенија го понудивме велосипедот, еколошко превозно средство кое не загадува. Покрај крупните чекори кои еден град треба да ги направи за да стане похумано место за живеење, значајни се и малите, кои ги правиме сите ние со секојдневниот избор на начин на движење низ градот, меѓу другото. 
Секојдневно чадите или возите точак? :)

Патеката ја осмисливме така што ги опфати некои од најголемите индустриски загадувачи во Скопје и се движеше по делници по кои секојдневно транзитираат луѓе од околните населби кон центарот на градот и обратно, но тоа најчесто го прават со автомобил место со одржливи методи на транспорт.


View Критична маса - Скопје на точак #9 in a larger map

 Улиците по кои се движевме не се најпријатни за возење на точак, дури ни оние ретките кои имаат велосипедска патека во својот профил. Секоја чест на малкутемина кои сепак возат велосипед секојдневно таму! Боја која се разлева во сивоста и која еден ден се надеваме ќе доминира!

Пораката на КМ#9 сакавме дополнително да ја зајакнеме со тоа што сите учесници носеа маски, а носевме и зелени транспаренти со еколошки пораки врз себе и на точаците. 
Малите чекори секој од нас може да ги прави сам, но КМ (критична маса) е можност да се покаже бројност и свесност по одредени прашања. Оттаму и следниот духовит слоган: 

УПМ со ПМ, одам на КМ!
(ПМ се малите штетни честички во воздухот)

На стартот, на игралиштето на Р.Ј Корчагин, дојдоа помеѓу 70 и 80 велосипедисти и ја извозеа рутата до плоштадот во Автокоманда. Тргнавме со мало задоцнување, па мораше да ги поделиме транспарентите подоцна, на паузата пред Усје (малку ги изненадивме чуварите со еден куп точаци :)), но цело возење помина одлично. А групата покажа највисока компактност од сите критични маси досега! 

Благодарност до сите учесници кои дојдоа во подеднакво добар број како на претходните зимски критични маси и покрај долгата рута, ладното време и индустрискиот дел од градот!
Особено задоволство ни беше што со нас возеа и двајца велосипедисти од Британија кои точно во овие денови се затекнаа во Скопје на нивното патување од Британија до Непал со точак. Иако со големо интернационално искуство со возење точак, ова им беше прва критична маса на која учествуваат. Ќе објавиме видео деновиве.

Благодарност до точакољупците и за донациите во кутијата во износ од 1955 денари. Трошоците за КМ#9 за печатените материјали и маските изнесуваа: 1229 денари и со тоа моменталната состојба на буџетот заедно со останати пари од претходни КМ е 3176 денари.
Благодарност и до кафулето Ле Петит во Автокоманда, кои го донираа чајот за сите учесници на КМ#9.
Благодарност и до Кирил Стоилков кој ги подготви промотивните материјали и до Foolish Green кои ни направија џингл. (достапни тука)

Подолу се наоѓаат фотографии и видеа од КМ#9.

Низ Кисела Вода [фото Мартин Стојановски]

„Радувај се, не загадувај се! (себе)“ - еден од зелените транспаренти  [фото Мартин Стојановски]

Малата пауза пред Цементара ја искористивме за лепење на транспарентите. [фото Мартин Стојановски]

По бул. Србија

Низ Аеродром

Пристигнување во паркот во Автокоманда [фото Мартин Стојановски]

И се разбира кревање на точаците [фото Мартин Стојановски]

Насмеани лица на крај [фото Мартин Стојановски]

[видео: Раде Марковски]

[видео: karas4training]

Се гледаме на 27.02.2013 на КМ#10!

Read more »

Извештај од КМ#8 - 26.12.2012

Има многу работи кои пречат во возењето точак низ градот. Скопје не е најлошиот, но не е ни пријателски велосипедски град во начинот на кој градските политики, планирањето, фактичката изведба на улиците и општата сообраќајна култура го третираат овој вид на сообраќај.
Несовршената состојба е причина да реагираме и да се собираме, но не е причина и да не се радуваме на возењето. За што би барале подобри услови ако не за нешто во кое уживаме? J

Осмата критична маса како и сите претходно, ако не и повеќе, помина во тој дух.

Претходно, во пресрет на почетокот на Новата година, место флаери подготвивме честитки на македонски и во електронска форма на англиски и албански јазик. Слободно споделувајте ги до вашите пријатели!





Нив и другите материјали ни ги дизајнираше Иван Петрушевски Флим. Нему и на сите претходни дизајнери им благодариме за поддршката на наТочак со точакољупски дизајни!

Честитките се делеа како најава на КМ8 на луѓе кои ги забележувавме на точак низ град, на нашите поддржувачи, a им пративме по пошта на институциите одговорни за условите за возење точак во градот. 

 

Градоначалник на општина Аеродром Ивица Коневски Ул. Венјамин Мачуковски бр.6 Б 1000 Скопје	Синиша Ивановски ЈП Улици и патишта ул. Коле Неделковски бр. 38  1000 Скопје
Градоначалник на општина Бутел Петре Латиновски Ул. Бутелска бр.4 1000 Скопје	Борче Јакимовски ЈП Градски Паркинг- Скопје бул. Илинден бб 1000 Скопје п. фах. 739
Градоначалник на општина Гази Баба Тони Трајковски Бул. Александар Македонски бб 1000 Скопје	Мишо Николов Јавно сообраќајно претпријатие Бул. Александар Македонски бр. 10 1000 Скопје
Градоначалник на општина Ѓорче Петров Сокол Митревски ул. Ѓорче Петров бр.73 1000 Скопје	Душан Авировиќ ЈП Паркови и зеленило Илинденска бб 1000 Скопје
Градоначалник на општина Карпош Стевче Јакимовски ул. „Демир Трајко“ бр.43 1000 Скопје	Ракип Дочи Јавно комунално претпријатие Комунална хигиена Ул."7 јули" бр.40 1000 Скопје
Градоначалник на општина Кисела Вода Марјан Ѓорчев Бул. Првомајска б.б. 1000 Скопје	Маргарита Бакев ЈП Паркинзи на Општина Центар Ул.8-ма Ударна бригада бр.20а 1000 Скопје
Градоначалник на општина Сарај Беким Мурати Рекреативен центар Сарај, б.б 1000 Скопје
Градоначалник на општина Центар Владимир Тодоровиќ Ул. Михаил Цоков б.б. 1000 Скопје	Министер Гордана Јанкуловска Министерството за внатрешни работи Ул. Димче Мирчев бр. 9 1000 Скопје
Градоначалник на општина Чаир Изет Меџити Бул. Христијан Тодоровски бр.5 1000 Скопје	Министер Миле Јанакиески Министерство за транспорт и врски Плоштад Црвена Скопска општина бр. 4 1000 Скопје
Градоначалник на општина Шуто Оризари Елвис Бајрам Ул. Виетнамска б.б. 1000 Скопје	Министер Абдулаќим Адеми Министерство за животна средина и просторно планирање Ул. „Дрезденска“ бр. 52 1000 Скопје
Градоначалник на град Скопје Коце Трајановски Бул. Илинден бр.82 1000 Скопје

Ним им посакуваме да почнат да вртат педали во новата година и да го подобруваат квалитетот на животот, и личен и градски ;)

Со КМ8 Ја заклучивме 2012-та славејќи го возењето точак во многу убава атмосфера. И покрај скопските магли, ниските температури и блокираните улици заради протести во градот. Благодариме на сите учесници за тоа!

Ја извозивме оваа рута непосредно околу центарот на градот:

 
View Критична маса - Скопје на точак #8 in a larger map

и завршивме на плоштад Македонија каде не’ чекаше топло чајче или кафе и честитки за присутните.

Добар дел од учесниците на Критична маса сериозно го сфатија повикот за осветлување на точаците и нивно новогодишно украсување, што уште повеќе придонесе за убавата атмосфера.

Еве како помина возењето низ серија фотографии и едно видео:

Се собираме на платото покрај Пошта...

Спремни за студот...

И спремни за новогодишно возење...

И не се само точаците украсени :)

Спремни за тргнување?

„Јас сум спремна!“

Спремни и за да бидеме забележани во мракот!

Па и не само Скопје, нели? Воопшто не е лоша идејата и за велосипедски поврзана Македонија! :) 

Идејата на критична маса е да остави траг...

кај учесниците и минувачите...

Заземаме привремено дел од улиците...

па кога ќе потпорасне малечково да оди со точак на школо по трајно слободни и убави патеки... 

Возиме низ скопските магли и гужви.
Во одлична бројка на присутни за така ладен и темен месец како декември.

Посветени на велосипедот :) и градот...

ги поврзуваме, реоткриваме и реосмислуваме неговите простори... 

Слободно се собираме...

и изразуваме љубов и став...

Сакаме поубав град!

Сакаме град добар за на точак!

Добар за дишење, движење, за сите нас...

Споделуваме топло чајче и топол збор...

Споделуваме простор...

И идеи...

Споделуваме фотка на ФБ :)

И поздрави до весели дружини :)

И желба да се гледаме пак во 2013 на точак!
Bike power!
Среќна точакољупска на сите!

На 70-ината присутни им благодариме особено за возењето во критичната маса, но и за донациите!
Во кутијата за донации собравме  3215 денари. За честитките и постерите за КМ8 беа потрошени 3034 денари. Па заедно со донациите од претходно, буџетот на наТочак моментално изнесува 2248 денари. Точакољупци, секоја чест!

Кога почнавме да правиме точакољупски собири, идејата за Критична маса беше на „можеби“... Кога почнавме да правиме критични маси, идејата дека ќе се вози во зима беше на „можеби“. Кога ја извозивме веројатно најладната и најтемната критична маса со ваква поддршка од вас драги луѓе, веќе не се сомневаме дека не’ чекаат 12 критични маси во 2013 во кои ќе ги преплавиме улиците со точаци, радост и критична маса за промена.

Се гледаме во 2013-та!
И не стискаме желби, ќе стискаме педали! :)

Read more »