Промотивни материјали - #КМ24

[дизајн: Александар Пешевски]

Промотивните материјали од овој блог- пост може слободно да се споделуваат, печатат, да се лепат на соодветни локации во градот, да се користат во рамки на објави за настанот или како линкови. 

Однапред ви благодариме на сите за помагањето да се прошири информацијата за Критична маса #24.

А на Александар му благодариме за вело-пријателската визија за Скопје и сработувањето на овие материјали како придонес за Критичната маса во нашиот град.

МАТЕРИЈАЛИ ЗА ПЕЧАТЕЊЕ

• постери и флаери

постерот за КМ 24, верзија за веб

Постер (А3, во боја) верзија за печатење: линк.

Флаер (А5, црно-бело) верзија за печатење, предна страна: линк.

Флаер (А5, црно-бело) верзија за печатење, задна страна: линк.

МАТЕРИЈАЛИ ЗА ВЕБ

• банери и кодови Подолу следува преглед на банерите Кодови на следниот линк.

веб-банер 300x250

веб-банер 500x500

веб-банер 980x750

веб-банер 980x100

веб-банер 990x80

• банери за социјални мрежи

веб-банер, 520 x 260 (Twitter cover)

веб-банер, 851 x 315 (FB cover)

• сликички од зумирани сцени од постерот

Read more »

Критична маса #24: И да немаш точак, придружи се!

Датум: 30.04.2014, среда
Тргнување: 17:30, Катна гаража Св.Кирил и Методиј (Јужен Булевар)
Крај (подигнување на точаците): пред МКЦ

--------------------------------------------------------------
Промотивни материјали: линк.
Facebook настан: линк.
Рута: линк.
Мапа на пунктови за изнајмување: линк.
--------------------------------------------------------------
Интервју со корисници на системот за изнајмување: линк.
Поволности од системот за изнајмување велосипеди: линк.
Предлог-локации за нови станици: линк.

--------------------------------------------------------------

постерот за КМ 24

Знаеме кои поволности (популаризација на возењето велосипед, практичност и ефикасен превоз, достапност, поголема можност за мобилност на граѓаните, социјална еднаквост, одржлив туризам, како и сите придобивки кои ги има возењето на индивидуален велосипед зголемени) ги нудат добрите системи за изнајмување велосипеди и сакаме на нашиот да му дадеме PUSH :)

Системите за изнајмување велосипеди треба да се третираат како јавно добро, своевиден градски јавен превоз, поголема можност за мобилност, за разни ситуации и за разни групи граѓани.
Граѓаните не се доволно информирани за станиците и процедурата на изнајмување.
Сакаме нив да ги информираме, а од надлежните да побараме да ги решат проблемите со одржувањето на велосипедите и да им предложиме проширување и унапредување на системот.

Собираме искуства од корисниците на системот. Ќе ги објавиме деновиве. 
Ако сака некој да каже мислење, нека ни пише на некој од нашите профили.

-------------------------------------------------------------------
Што треба да знаеш за изнајмување точак во Скопје:

Пунктови: мапа на пунктови (5) 



Цена: 10 денари / час
Работно време: 8.00 - 23.00 часот (Изнајмување точаци до 22.00) 
На државни празници не работат. 
Процедура: Пополнување краток формулар и идентификација со лична карта.
-------------------------------------------------------------------

Да возиме заедно за подобар вело град!
Да порачаме дека и системот на градски велосипеди е важен ако сакаме Скопје да стане подобар град.

Ако ја поддржуваш оваа идеја, на свој, на позајмен или на изнајмен точак придружи ни се на 24-тата Критична маса во среда, 30-ти април, на паркингот на источната страна од Катна гаража Св.Кирил и Методиј со почеток од 17.30 часот.

Рута на возење: 

View Критична Маса 24 in a larger map

На крајот од рутата следува изненадување :)

Ѕрн-ѕрн!

--------------------------------------------------------------

*** Секој учесник вози на своја одговорност.

Read more »

Од Скопје до Тетово на точак и назад! Критична маса Тетово слави една година!

Датум: 12.04.2014
Време на чекање: 12:00
Место: на излезот од Скопје кон Тетово (Макпетрол)

Facebook настан: линк.

Фотографија од минатогодишното возење до Тетово за првата Критична маса.

------------------------
Се сеќавате на првата Критична маса во Тетово и возењето од Скопје до Тетово и назад? Ѕирнете на овој линк како поминавме лани.
Епа тетовчани после 12 месеци стигнаа до 13-та = 1 година Критична маса во Тетово! 
Сакате да ги поддржиме? 
Ајде на точак до Тетово во сабота!
Добредојдени се да се приклучат сите точакољупци од Скопје, но и од местата покрај кои ќе поминеме!

Потребен и доволен услов да дојдете е да имате исправен точак и да сакате да поминете исполнет ден во природа, покрај села и на една славеничка Критична маса во друг град. :)

Понесете си вода, малку храна за енергија и повеќе слоеви облека и за потопли и за поладни временски услови. 
За возење на отворен пат, препорачливо е да имате и заштитни кациги.
Проверете си ја исправноста на точаците. (кочници, менувачи на брзини, се' останато)
Секој кој има можност- нека понесе резервна гума и алат за поправки, па ќе си помагаме ако се дупне некоја гума или се случи некој друг дефект.
Задолжително понесете предно и задно светло за на враќање.
А по слободен избор понесете и роденденски реквизити. :)

Планот е следен:
------------------------
Скопје-Тетово
------------------------
Чекање на излезот на Скопје кон Тетово (Макпетрол): 12:00
Место: линк до локацијата на чекање
Поаѓање: 12:15
Пристигнување во Тетово: 15:00 - 15:30.

Критична маса 13 во Тетово: 16:00 - 17:00
Роденденска забава: 17:00 - 20:00
Facebook настан од ТетовоНаТочак: линк.

Постерот за Роденденската КМ во Тетово преземен од нивниот настан

------------------------
Тетово - Скопје
------------------------
Една група ќе се враќа веднаш после Критичната маса за да не ги сноќи: околу 17:00.
Друга, похрабра група, ќе остане малку на забавата и дел од патот на враќање кон Скопје ќе го помине во темница. 
Во било која група да возите, носете задолжително исправни и со полни батерии предно и задно светло.
А ако сте во втората група, дополнително носете и рефлектирачки елечиња или било какви други дополнителни светлосни помагала.

Ќе се вози по регионалниот пат, не автопатот.

Оние кои ќе бидат уморни и нема да можат да возат точак, може да се вратат кон Скопје со автобус.
------------------------
Секој вози на сопствена одговорност.

Read more »

Пријава на инфраструктурен проблем - слегнат асфалт на бул.Ј.Сандански, 07.04.2014

Во врска со инфраструктурниот проблем забележан на велосипедскаа патека на бул. Јане Сандански во Аеродром, НаТочак достави дописи до Град Скопје, ЈП Улици и патишта и Општина Аеродром.
Се надеваме на што поскора интервенција.
--------------------------------------------------------

До:                            Град Скопје, ЈП Улици и Патишта, Општина Аеродром 

Предмет:                 Пријава на инфраструктурен проблем: слегнат асфалт на бул. Јане Сандански

ПРИЈАВА

Почитувани,


На ден 03.04.2014 на велосипедската патека на јужната страна на бул. Јане Сандански во општина Аеродром во делот спроти ТЦ Скопјанка забележана е дупка, поточно слегнат асфалт од приближно 1 м2 што претставува опасност за велосипедистите кои се движат по оваа патека.

Истовремено, забележано е дека хоризонталната сигнализација на патеката е обновена (полни и испрекинати линии без симболи) и прекинува токму кај оваа пречка.

Сигнализацијата со конзистентен изглед е многу важна за препознавање на просторот наменет за велосипедисти од страна на сите учесници во сообраќајот. Но пред да се пристапи кон обновување на сигнализацијата сметаме дека треба да се пристапи кон санирање на дупките, пукнатините, нерамнините, високите рабници и било какви пречки на патеките. 

Ве молиме да се направи налог за санација на овој проблем за да се овозможи непречено сообраќање на конкретната локација, во најкус можен временски рок.

Исто така, Ве молиме да се запази редоследот на активности: санирање па сигнализација, како правило при секоја идна ситуација. Прво патеката да се доведе во добра возна состојба, па потоа преку симболи да се поканат соодветните учесници безбедно и непречено да ја користат.

Со почит,

Неформална група велосипедисти - НаТочак                       

natochak@gmail.com

07.04.2014

Скопје

*Овој документ е испратен во печатена форма до град Скопје и во електронска форма до одговорните лица од Град Скопје, од ЈП Улици и патишта и до општина Аеродром и е објавен на блогот на НаТочак: www.natochak.blogspot.com.

Read more »

До Гостивар и назад #НаТочак! + Да ја поддржиме Гостиварската Критична маса

Facebook настан: линк.

--------------------
Гостивар ја продолжува Критичната маса по мала пауза. Да ја поддржиме!

Група точакољупци од Скопје сакаат да им дадат поддршка на гостиварчани, но и да си извозат на точак од Скопје преку Тетово до Гостивар. 
Друга група ќе оди со воз, а ќе се враќа со возење на точаците заедно со првата група.

Добредојдени се сите од Скопје и Тетово, но и од местата покрај кои ќе поминеме да се приклучат!
Потребен и доволен услов да дојдете е да имате исправен точак и да сакате да поминете исполнет ден во природа, покрај села и по градови. :)

Понесете си вода, малку храна за енергија и повеќе слоеви облека и за потопли и за поладни временски услови. 
За возење на отворен пат, препорачливо е да имате и заштитни кациги.
Проверете си ја исправноста на точаците. 
Ако имате можност- понесете резервна гума и алат за поправки, па ќе си помагаме ако се дупне некоја гума или се случи некој друг дефект.
Задолжително понесете предно и задно светло за на враќање.

Планот е следен:
--------------------
Скопје-Гостивар
---------------------
Група 1 (со точаци):
Чекање на излезот на Скопје кон Тетово (Макпетрол): 7:45
Поаѓање: 8:00
Пристигнување во Гостивар: пред 12:00

Група 2 (со воз):
Чекање на Железничка станица Скопје: 7:45
Поаѓање: 8:05
Пристигнување во Гостивар: пред 10:00

Критична маса во Гостивар: 12:00
https://www.facebook.com/events/271708382988103/

--------------------
Гостивар-Скопје
--------------------
Двете групи ќе се враќаат со возење точаци, патот во оваа насока е полесен и со повеќе удолнини.
Оние кои не можат да возат точак, може да се вратат кон Скопје со автобус.

Поаѓање по договор. 
Пристигнување во Скопје: пред 18:00.
--------------------

НАПОМЕНА: од местата на чекање ќе се поаѓа на време за да стигнеме на време и раат во Гостивар со точаци, а оние кои патуваат со воз да го фатат возот и да ги сместат точаците. :)

Секој вози на сопствена одговорност.

Read more »

Критична маса #23: Точак за сите генерации!

Датум: 26.03.2014, среда
Тргнување: 17:30, Плоштад Македонија
Крај (подигнување на точаците): ТЦ Лептокарија

--------------------------------------------------------------
Промотивни материјали: линк.
Facebook настан: линк.
Рута: линк.
Интервју со повозрасни граѓани на точак: линк.

-------------------------------------------------------------------

постерот за КМ #23

Сведоци сме дека на скопските улици независно од сезоната и временските услови, повозрасните граѓани постојано се превезуваат НаТочак. Сигурно сте налетале на некој повозрасен херој НаТочак натоварен со некој олук, ќумец, скала, вреќа компири, снопови праз како храбро ита кон својата дестинација. За нив не треба кампања, освестување, потсетување ниту посебни предавања, тие се 24/7 НаТочак.

Еве интервју со некои од нив:

Секој со свои причини зошто му дава предност на точакот, но и многу прецизни согледувања за условите во градот.

Точакот е (треба да биде) превозно средство за сите генерации,  не само за младите, не само за највештите. И затоа уште повеќе ни требаат добри услови за возење.

Возењето точак низ град не треба да претставува:

-слалом меѓу возила, контејнери и семафори поставени на погрешно место,

-спортска дисциплина „симни-качи се“ од високи рабници,

-екстремен спорт покрај брзи возила во отсуство (или нефункционалност) на велосипедски патеки!

Издвоени велосипедски патеки и тоа добри патеки треба да има насекаде. Зони 30 треба да има секаде каде улиците се потесни и нема услови за велосипедски патеки!

Треба и учениците без придружба да можат безбедно да отидат на училиште на точак, а постарите лица без опасност по својот живот да отидат да завршат некоја работа.

Сакаме град безбеден за движење на точак, град слободен за движење на сите.
Да им искажеме почит на сите граѓани од сите генерации кои возат точак и наспроти несовршените услови и да апелираме за подобри услови за да нè има уште повеќе по скопските улици.

Придружете ни се на 23-тата Критична маса во среда, на 26-ти март.

Викнете ги мајките, дечковците, внуците, вујковците, бабите, дедовците, вработените, невработените, пензионерите. 

Возиме во група и се грижиме едни за други, како и на секоја критична маса.

Овојпат ќе порачаме дека точак е превозно средство за сите генерации! 

Се гледаме на Плоштад Македонија во среда во 17:30.

А ќе завршиме кај ТЦ Лептокарија. 

View Критична Маса 23 in a larger map

Ѕрн- ѕрн!

--------------------------------------------------------------

*** Секој учесник вози на своја одговорност.

Read more »

Промотивни материјали - #КМ23

[дизајн: Дани Јанев]

Промотивните материјали од овој блог- пост може слободно да се споделуваат, печатат, да се лепат на соодветни локации во градот, да се користат во рамки на објави за настанот или како линкови. 

Однапред ви благодариме на сите за помагањето да се прошири информацијата за Критична маса #23.

А на Дани му благодариме за прецизниот дизајн и сработувањето на овие материјали како придонес за Критичната маса во Скопје.

МАТЕРИЈАЛИ ЗА ПЕЧАТЕЊЕ

• постери и флаери

Постер (А3, во боја) верзија за печатење: линк.
Флаер (А5, црно-бело) верзија за печатење: линк.

постер, верзија за веб

флаер, предна страна, верзија за веб

флаер, задна страна, верзија за веб

МАТЕРИЈАЛИ ЗА ВЕБ

• банери и кодови

веб-банер 300x250

За банер со димензија 300x250, кодот:
<iframe frameborder="0" scrolling="no" marginheight="0" marginwidth="0" src="http://natochak.altervista.org/index_300_250.html" width="300" height="250"></iframe>

веб-банер 500x500

За банер со димензија 500x500, кодот:
<iframe frameborder="0" scrolling="no" marginheight="0" marginwidth="0" src="http://natochak.altervista.org/index_500_500.html" width="500" height="500"></iframe>

веб-банер 980x750

За банер со димензија 980x750, кодот: <iframe frameborder="0" scrolling="no" marginheight="0" marginwidth="0" src="http://natochak.altervista.org/index_980_750.html" width="980" height="750"></iframe>

веб-банер 980x100

За банер со димензија 980x100, кодот:  <iframe frameborder="0" scrolling="no" marginheight="0" marginwidth="0" src="http://natochak.altervista.org/index_980_100.html" width="980" height="100"></iframe>

веб-банер 990x80

За банер со димензија 990x80, кодот:
<iframe frameborder="0" scrolling="no" marginheight="0" marginwidth="0" src="http://natochak.altervista.org/index_990_80.html" width="990" height="80"></iframe>

• банери за социјални мрежи

веб-банер, 520 x 260 (Twitter cover)

веб-банер, 851 x 315 (FB cover)

• банери на англиски јазик / web-banners in English

web-banner 300x250

web-banner 980x100

Read more »